Куһаҕан үчүгэйдээх, үчүгэй куһаҕаннаах
- Тойон буолар, туһугар,
Туһалаах буолан баран,
Толкуйдаан көрдөххө,
Тоҕуһун дьоло суох эбит.
- Санааргыыр сахха
Саҥа санаа
Сайдан тахсар,
Өһөн сырыттахха,
Өрөгөйдөөх өс
Өрүкүйэн үөскүүр,
Эрэйдэнэн истэххэ,
Эгэлгэ санаа
Эриллэн элбиир…
Оонньуу-көрүлүү сырыттахха,
Ойуу-бичик санаа
Оройго ончу охсуллубат,
Кыһалҕа кыһарыйбатаҕына,
Кылаан өргөс санаа
Кыратык да кыбыллыбат.
- Үгүс үчүгэйгэ көҕүйбэккэ
Үлэлээтэххинэ үссэниэҥ,
Кэлтэччи киһиэхэ кэнтэйбэккэ,
Киһи – хара буолуоҥ. (Алампа)
- Үчүгэй мэлдьи киһи саныырын курдук биир дэхси буолбат. (Софрон Данилов)
- Бөрө оҕотун көр-иһит, иитиэхтээ,
Биһиктээх оҕолуу да эмсэхтээ,
Тыатын диэки син биир көрүөҕэ,
Тоҕооһу буолуо да, күрүөҕэ. (Иван Федосеев – Доосо)