Корякина Римма Иннокентьевна -Хотууна

  Римма Иннокентьевна Корякина  1960 сыллаахха  Дьааҥы оройуонун Боруулаах нэһилиэгэр төрөөбүтэ. Ийэтэ Слепцова Христина Петровна, аҕата Юмшанов Иннокентий Ионович иккиэн Дьааҥыттан төрүттээхтэр. Бастакы кылааска 1967 сыллаахха Боруулаах аҕыс кылаастаах оскуолатыгар үөрэнэ киирбитэ. Оскуола кэнниттэн Дьокуускайдааҕы медучилищеҕа үөрэнэн акушер идэтин ылбыта.  Училищены бүтэрэн  Дьокуускайга, Чурапчыга, Хадаарга идэтинэн үлэлээбитэ.

     Айар үлэнэн 2012 сылтан дьарыктанар. Чугас доҕотторугар, оҕолоругар анаан хоһоон суруйан саҕалаабыта. Айымньылара «Саҥа олох» улуустааҕы хаһыакка, «Чараҥ» улуустааҕы сурунаалга уонна «Байды» Дьааҥы улууһун хаһыатыгар тахсыбыттара.  Римма  Иннокентьевна Хотууна диэн псевдоним ылыммыта. Кини олох, дьылҕа, төрөөбүт дойду, дьиэ кэргэн киэҥ тиэмэлэргэ суруйбут дириҥ өйдөбүллээх хомоҕой тыллаах хоһооннорун  хомуурунньуктара   «Алгыстаах аартыгым”,  “Таас Дьааҥы кыыһабын», “Ийэ тылым сүмэтэ” , «Үргүүк былыт быыһынан»  ааҕааччы улахан биһирэбилин ылбыттара. Хотууна айар үлэҕэ хоҥнохтоохтук  ылсан билигин 11 кинигэлээх, хоһоонноро 22 хоһоон хомуурунньугар киирбиттэрэ, 18 хоһоон хомуурунньугун таһаарарга үлэлээтэ. Римма Иннокентьевна “Чурапчы” литэрэтииринэй түмсүү салайааччыта.

       Хотууна кырачаан оҕолорго анаммыт хас да кинигэ ааптара. “Саҥа хаарга ким хаамта”, «Таас кэмпиэт”, «Уу-чукучуктарга тэттиктэр», «Мэник бичиктэр» хоһоон  кинигэлэрин уонна   «Көмүс көһүйэ остуоруйалара», «Минньигэс түүл остуоруйалара»  кинигэлэрэ  бэчээттэнэн тахсыбыттара. Остуоруйаларын  кинигэлэрэ  “Айар” национальнай кыһатыгар элбэх ахсаанынан бэчээттэммиттэрэ, итиэннэ национальнай бибилэтиэкэ нууччалыы, английскайдыы тылынан тылбаастаммыт остуоруйалары  электроннай варианынан таһаарбыта. Хотууна оҕо литературатын курдук уустук дьыалаҕа ылсан, дьоҥҥо-сэргэҕэ биһирэнэн, саха литературатыгар оҕо суруйааччыта диэн ааты ылла.  2025 с. Римма Корякина-Хотууна оҕо айымньытын суруйуутугар Н.Е. Мординов-Амма Аччыгыйа аатынан  оҕо литэрэтиирэтин  Ил Дархан бириэмийэтин лауреата буолбута. 2025 с.  “Аҕа дойдуну көмүскээччилэр” пуонда филиала, Семен Новгородов аатынан “Айар” кинигэ кыһата тэрийэн ыыппыт  “Победа будет за нами!” литературнай куонкуруһугар муҥутуур кыайыылааҕынан ааттаммыта. Бу куонкуруска Хотууна “Хотугу тиит” диэн кэпсээнинэн кыттыбыта. Айымньыга анал байыаннай дьайыыга ыҥырыллан тиийэн кыргыһыы хонуутугар хорсуннук кыргыһа сылдьан олоҕун толук уурбут, суруйааччы бииргэ төрөөбүт быраата Сергей Иннокентьевич Юмшанов туһунан сырдатыллар.

    Римма Иннокентьевна улахан дьиэ кэргэн  Далбар хотуна, амарах ийэ, эйэҕэс эбээ, билигин айар үлэ алгыстаах аартыгар бигэтик киирэн  хотуулаахтык айа-тута,  суруйа сылдьар.

Айымньылара

Алгыстаах айаным / Хоһоон хомуурунньуга / [Римма Корякина — Хотууна]. – Дьокуускай : ООО “Дани Алмас”, 2019. – 60 с.

Ийэ тылым сүмэтэ / Хоһоон хомуурунньуга / [Римма Корякина — Хотууна]. – Дьокуускай : ООО “Дани Алмас”, 2019. – 72 с.

Таас Дьааҥы кыыһабын  / Хоһоон хомуурунньуга / [Римма Корякина — Хотууна]. – Дьокуускай : ООО “Дани Алмас”, 2019. – 60 с.

Суугунаа, Чурапчым чараҥа : хоһооннор / / [Римма Корякина — Хотууна]. – Дьокуускай : ООО “Дани Алмас”, 2019. – 168 с.

Уу-чукуруктарга тэттиктэр : [хоһооннор] / Хотууна. – Дьокуускай : Дани Алмас, 2019. – 92 с.

Мэник бичиктэр : (алпаабыт-хоһооннор) / Хотууна. – Дьокуускай : Дани Алмас, 2019. – 80 с.

Көмүс  көһүйэ остуоруйалара / Римма Корякина – Хотууна; А.Егорова ойуулара. – Дьокуускай : Айар, 2022. – 32 с. : ил.

Минньигэс түүл остуоруйалара / Римма Корякина – Хотууна; А.Егорова ойуулара.  – Дьокуускай : Айар, 2024. – 32 с. : ил.

Саҥа хаарга ким  хаамта : хоһооннор  / Хотууна; А.Егорова ойуулара.  – Дьокуускай : Дани Алмас, 2024. – 76 с.

«Үргүүк былыт быыһынан» / Хоһоон хомуурунньуга / [Римма Корякина — Хотууна]. – Дьокуускай : ООО “Дани Алмас”, 2024.

Олоҕун уонна айар үлэтин туһунан

Жиркова, О. Римма Иннокентьевна Корякина — Хотууна / Оксана Жиркова // Чараҥ. — 2015. — № 1 .- С. 34

Чирикова Р. Д. Айар дьайыҥнаах аттаммытым : [Римма Корякина-Хотууна саҥа кинигэлэрин туһунан, Чурапчы улууһа] —  // Дьааҥы аартыга. — 2019. — Бэс ыйын 1 күнэ (N 39) — С. 2.

Петрова М., Оҕолорго аналаах кинигэ сүрэхтэннэ : [СӨ суруйааччыларын чилиэнэ Римма Корякина-Хотууна «Көмүс көһүйэ остуоруйалара» кинигэтин сүрэхтэниитэ буолла, Чурапчы нэһилиэгэ] —  //Саҥа олох.  — 2022. — Алтынньы 21 күнэ (N 41)-С. 4.

Корякина-Хотууна Р. И., Мэлдьи бииргэ : [Иван Михайлович Попов-Уһук Уйбаан «Айбыт ыйааҕа дуо?» кэпсээнин ырытыы] — // Кыым. — 2022. — Балаҕан ыйын 22 күнэ (N 37) — C. 23.-  (Кулуһун «Кыым» хаһыат анал таһаарыыта).  

Корякина-Хотууна Р.И.  «Чурапчы» литэрэтииринэй түмсүү айар куттаахтарын ситиһиилэрэ : [түмсүү чилиэннэрин ситиһиилэрин туһунан] —  //Саҥа олох. — 2021. — Бэс ыйын 25 күнэ (N 45) — С. 5.

Сыроватская Е.Н. Суруйааччылардыын көрсүһүү : [Саха Өрөспүүбүлүкэтин суруйааччыларын Сойуустарыгар эбиллибит саҥа суруйааччылары кытта көрсүһүү тэрээһинин туһунан, Бороҕон сэлиэнньэтэ (Уус Алдан улууһа)] — // Мүрү саһарҕата. — 2021. — Муус устар 9 күнэ (N 14) — C. 2.

Самсонова-Сиибиктэ С. Н. Кынаттаах атынан көтүтэн….:  [поэтесса Римма Иннокентьевна Корякина-Хотууна хоһооннорун хомуурунньуктарын туһунан] —  // Күрүлгэн. — 2021. — N 1 (78) — С. 74-78.

Стручкова Г. Омук күүһэ өйүгэр, өйүн күүһэ – тылыгар : [худуоһунньук Иннокентий Корякин үлэтиттэн «Ойуу тылын күүһэ» күрэскэ Римма Иннокентьевна Корякина — Хотууна кыайбытын туһунан] —  // Дьааҥы аартыга.  — 2021. — Кулун тутар 17 күнэ (N 9) — С. 8.

Жендринский С. А., Чурапчыттан Хотууна — СӨ Ил Дарханын бириэмийэтин лауреата : [Римма Иннокентьевна Корякина-Хотууна — Николай Мординов-Амма Аччыгыйа аатынан оҕо литэрэтиирэтин салаатынан Ил Дархан бириэмийэтин лауреата] —  // Кыым. — 2025. — От ыйын 3 күнэ (N 25) (22727) — C. 29.