Сэтинньи 26 күнүгэр Нуучча географическай уопсастыбатын Арассыыйа Суруналыыстарын, Саха Өрөспүүбүлүкэтин Суруйааччыларын сойууһун чилиэннэрэ, Саха Өрөспүүбүлүкэтин норуотун маастара, кыраайы үөрэтээччи, Хатылы нэһилиэгин Бочуоттаах олохтооҕо Николай Николаевич Аржаков-Боло Ууһу кытта ZOOM онлайн площадкаҕа көрсүһүү буолла. Саҥа тахсыбыт кинигэлэрин билиһиннэрии биһирэми М.Н.Кузьмина ыытта. Көрсүһүүгэ автор Н.Н.Аржаков-Боло Уус «Манчаары мөккүөрдэрэ», «Тыыннааххар эппэтэх тылларым…» «Күн дьоно» тойук бөлөҕө»,  «Олохпут олугун охсубут оскуолабыт» кинигэлэрин билиһиннэрдэ , ыйытыыларга хоруйдаата, тэрийээччилэргэ махтал тылларын эттэ. Дьокуускайтан «Арчы дьиэтэ» духуобунай култуура киинин салайааччыта В.И.Бочунина, «Күн дьоно» этнокультурнай түмсүү салайааччыта Е.И.Павлова, Мэҥэ Хаҥалас Бөкө нэһилиэгин баһылыгын солбуйааччы И.К.Павлова уонна Чурапчыттан кыраайы үөрэтээччилэр, историяучууталлара, библиотека үлэһиттэрэ, биир дойдулаахтара баҕа санааларын, истиҥ эҕэрдэлэрин тиэртилэр. 

Саҥа киирбит кинигэлэри көрүҥ, сэргээҥ, ааҕыҥ!