Коллекционер доҕотторбут
Кыраттан үөрэр, долгуйар
Сырдык-ыраас дууһалаахтар,
Сылаас эркиннээхтэр.
Тугу барытын мунньан,
Үйэтитэр аналлаахтар.
Манна бааллар манньыатчыттар,
Мааркаһыттар, харчыһыттар,
Күндү таастан оҕуруонан,
Эгэлгэ эҕэрдэ аккырыыкканан,
Спорду өрө тутар значогунан,
Мэтээл, кинигэ аргыстанан,
Сэбиэт кэмин малынан,
Аанньалынан, былаатынан,
Араас дойду чуораанынан,
Бириэмэни билэр Чаһыынан,
Баай ис хоһоонноох куукуланан,
Үөрэх араас тээбириннэринэн
Үлүһүйэр дьоннорбут.
Коллекцияҕыт хаҥаатын,
«Баайгыт-дуолгут» бар5ардын
Ыраас санаа кэрэһитэ,
Тула өттүгүт сырдык-кэрэ
Буола турдун өрүүтүн! (Надежда Захарова)
