Көһөрүллүү историятыгар анаммыт «Умнумаҥ ол тыйыс сыллары» улуустааҕы интернет – биктэриинэ түмүгэ таҕыста
Балаҕан ыйын 10-25 күннэригэр Хоту көһөрүллүү 83 сылыгар анаммыт «Умнумаҥ ол тыйыс сыллары” куйаар ситиминэн интернет-биктэриинэ ыытыллыбыта. Кыттааччылар төрөөбүт улууспутугар буолбут ыар чахчыны, көһөрүллүү историятын төһө билэллэрин тургутан 15 боппуруоска эппиэттээтилэр. Барыта 98 киһи, ол иһигэр 25 оҕо уонна 73 улахан киһи кытынна. Саамай аҕа саастаах кыттааччы 73, онтон саамай эдэр 10 саастаахтар. Ити курдук биктэриинэҕэ кыратыттан улаханыгар тиийэ кытыннылар.
Биктэриинэ кыайыылаахтарынан, саамай элбэх сөп эппиэти биэрбит кыттааччыларынан улахан дьоҥҥо Хайахсыттан төрүттээх биир дойдулаахпыт, Дьокуускай куорат олохтооҕо Климова Лена Васильевна, оҕолорго С.А. Новгородов аатынан Чурапчы орто оскуолатын VIII кылааһын үөрэнээччитэ Николаева Камелия буоллулар. Кыайыылаахтарбытын ис сүрэхпититтэн итиитик –истиҥник эҕэрдэлиибит. Бары кыттыбыт биир дойдулаахтарбытыгар историяны билиигэ дьулуһуугут иһин махтанабыт! Инникитин даҕаны кинигэни кытта доҕордоһуҥ, элбэҕи ааҕыҥ! Төрөөбүт дойдубут туһунан билиигитин-көрүүгүтүн хаҥатын, байытыҥ!
Кыайыылаахтарбытын диплому уонна анал бирииһи кэлэн киин библиотекаттан ыларгытыгар ыҥырабыт. Аадырыспыт Чурапчы с, Ленин уулуссатын 28.
