Кэрэ – харах саатала эрэ буолбатах, дууһа уоскулаҥа

 

  1. Кэрэттэн кэрэ диэн, кэрэ кэрэтэ диэн киһи буолуох тустаах. (Суорун Омоллоон)
  2. Кэрэ- харах саатала,

Санаа, сүрэх үөрүүтэ,

Айылгы алгыс тыла,

Олох, таптал ырыата.

Доҕоор, киһи олоҕо,

Киһи өйө, дууһата

Үөскүүр кэрэ туһугар

Кэрэни айа, тута… (Семен Данилов)

  1. Дьиҥэр, киһи кэрэни кэрэхсиир, үчүгэйтэн үөрэрин, куһаҕантан хомойорун тухары эрэ тыыннаах ээ. Аан дойдуну тумарыктыйбыт хараҕынан аҥаархайдык анаарар киһи, сөҕөр уонна соһуйар, үөрэр уонна хомойор, таптыыр уонна абааһы көрөр дьоҕурун сүтэрбит киһи, төһө да күн сырдыгын көрөрүн иһин, тыыннаах аатырыан сатаммат. (Софрон Данилов)
  2. Хара санаалаах төһөҕө да кыайтарар, улууну, кэрэни утарбыт төһөҕө да умсар. (Тимофей Сметанин)
  3. Кэрэттэн кэлэйбит суох,

Күн сырдыгыныы өрүү күндү.

  • Кэрэни кэрэхсииргэ соҕотох сүрэх кыра. Өй эбиллиэхтээх.
  • Кэрэ да кэмнээх ини. Киһиэхэ барытыгар тиксибэтэ буолуо. (К.Д.Уткин-Нүһүлгэн)
  1. Кэрэҕэ кэрэ сыһыан ирдэнэр, онто суох кини кэхтэр. (Ангелина Татаринова- Леди Муус)