Картузов Егор Егорович — Чоруун

Кинигэҕэ аатырбыт булчут, 93-с хаарын санныгар уулларбыт ытык кырдьаҕас Сэмэн Дьэпсиэйэп байанайдаах сырыылара, булт мүччүргэннээх түгэннэрэ уустаан-ураннан сэһэргэнэллэр. Мындыр өй, сатабыл, хорсун санаа халыҥ тайҕа аарымаларын кытта хапсыһыыга куттал суоһуур чааһыгар уол оҕо барахсаны киһи буолар дуу, кии буолар дуу аналын быһааран эрдэхтэрэ. Кэпсээннэргэ киһи уонна айылҕа, кистэлэҥ эйгэ уонна олох таабырына, сиэр-майгы уонна үйэлээх үгэс биир ситимҥэ киирэн, олох кэрэтин кэрэһилииллэр. Ааҕааччы киэн араҥатыгар ананар.

Кинигэҕэ Саха сирин араас улууһун чулуу булчуттара уонна биллиилээх тустууктар Герман Контоев, Петр Бурцев, Владимир Кириллин уо.д.а. өбүгэлэрбититтэн хаалбыт үтүө үгэһи, сиэри-туому тутуһан, тулалыыр эйгэни харыстаан, айыла таайыллыбатах кистэлэҥин, дьиктитин да көрсөн, быһылааннаах, мүччүргэннээх түбэлтэлэрэ, ойуур адьырҕаларын кытта тыҥааһыннаах күөн көрсүүлэрэ, кии эбэтэр киһи буолар кыл түгэннэрэ, тыын былдьаһыга сытыытык, арылхайдык ойууланна.

Үйэлэрин тухары Аар тайҕаны эт атахтарынан тилэйэн, кыыл суолун соноругар олохторун анаабыт, айылҕа алыбын эттэригэр-хааннарыгар иҥэринэ сылдьар күн курдук көмүскэс майгылаах, ый курдук ыраас санаалаах булчуттар арҕана хара тыа кистэлэҥнэрин, булчут мүччүргэннээх сырыыларын туһунан умсугутуулаах кэпсээннэрэ уустаан-ураннаан сурулунна. Кинигэ ааҕааччы киэн араҥатыгар ананар.