Идэ дьоҥҥо туһалыырын тухары барыта үчүгэй

Таптаатахха, сөбүлээтэххэ идэ барыта, дьоҥҥо туһалыыр идэ барыта үчүгэй. Кылаабынайа – үчүгэйдик үлэлиэххэ наада. Куһаҕаннык үлэлиир буоллаххына, ханнык да бэйэлээх үтүө да быыһыа суоҕа.

Мөлтөх учуутал буортута элбэх. Кини оҕолор саамай күндү, эдэр саастарын уорар, кэскиллэрин кэҕиннэрэр. (Софрон Данилов)

Эн туох эмэ туһалаах

Буолар да буоллаххына,

Махталы ыллаххына, —

Учуутал үтүөтэ,

Учуутал өҥөтө! (Леонид Попов)

Ким баҕарар бэйэтин үйэтигэр элбэх киһини кытта билсэр-көрсөр, кинилэртэн элбэххэ үөрэнэр, ол эрээри кини дьылҕатыгар, билиинэн сэбилэниитигэр, олоххо суолун-ииһин булунарыгар учуутал эрэ быһаарыылаах сабыдыалы оҥорор. (Иван Данилов)
Учуутал — оҕо аймаҕы улуу сыалга хайыһыннаран, үөрэтэн, иитэн иһээччи, оҕо дууһатын инженерэ. (Михаил Алексеев)
Төһө да киэҥ билиилээх, мааны учуутал оҕоҕо куһаҕаннык сыһыаннаһар буоллаҕына, оҕо син биир кинини ылыммат. Оҕону хайдах да албыннаабаккын. (Ф.В.Габышева)
Хас биирдии идэҕэ аат-суол, чиэс диэн баар. (Эдьиий Дора)