Балаҕан ыйын 8 күнүгэр,  Чурапчы нэһилиэгин тэриллибитэ 376 сылыгар аналлаах “Төрөөбүт күҥҥүнэн тапталлаах Чурапчым” диэн үгэскэ кубулуйбут уус-уран ааҕааччылар күрэхтэрэ «Хомоҕой хоһоон түһүлгэтэ» тэрээһинэ буолан ааста.  Быйылгы күрэххэ  элбэх эдэр ыччат, оҕолор  кэлэн кыттыбыттара  кэрэхсэбиллээх.
 
Манна Семен Андреевич Новгородов аатынан Чурапчытааҕы орто оскуола литэрэтиирэнэй бөлөҕүн хоһоонньут уолаттара, олохтоох техническэй кэллиэс бастакы курс устудьуоннара, бастакы кылаас үөрэнээччилэрэ,  саамай кырачаан кыттааччы алта саастаах “Туллукчаан” уһуйаан иитиллэччитэ  уонна  поэзияны таптаан ааҕар, суруйар дьон кыттыыны ыллылар. Быйылгы сыл уратынан буолла Россияҕа «дьиэ кэргэн», Чурапчы улууһугар «Ыал саргыта» сылларынан ТОС хамаандалара дьиэ кэргэнинэн кэлэн кыттыыны ыллылар.
    
Хоһоон хонуута үс хайысхалаах ыытылынна. Бастакы хайысха: «Дьиэ кэргэн», иккис: “Чурапчы — мин дойдум”, үһүс көҥүл тиэмэ. Тэрээһини «Айыллаан» сынньанар киин үлэһитэ Владимир Арьянов «Ол атас» диэн ырыатын бэйэтин суруйбут тылларыгар уонна матыыбыгар ыллаан киэргэттэ. Ону таһынан эрэллээх ааҕааччыбыт, Чурапчытааҕы литературнай түмсүү чилиэнэ, хоһоонньут, Хомоҕой хоһоон түһүлгэтин хас да төгүллээх кыайыылааҕа Надежда Никифоровна Попова-Арылыйа кыттааччыларга иэйиилээхтик хоһоон ааҕан иһитиннэрдэ.

Бииртэн-биир ураты, 10 алыптаах хоһоону истэн дуоһуйдубут. 
Көҥүл тиэмэҕэ Чурапчы айар куттаахтара бэйэлэрин хоһооннорун иэйэн туран аахпыттарын дьүүллүүр сүбэ үрдүктүк сыаналаата.
  
Дьүүллүүр сүбэ түмүккэ хайысхаларынан кыаҋыылаахтары ааттаталаан, үс бириистээх миэстэни үллэрдэ. 
Сыл ахсын тэрээһин спонсорынан «Чурапчы нэһилиэгэ» муниципальнай тэриллии буолар, бириистэри Чурапчы нэьилиэгин баһылыгын социальнай боппуруостарга солбуйааччы Варвара Васильевна Макарова туттарда.
  
Бастакы “Дьиэ кэргэн” түһүмэххэ:
1  миэстэ  –  Пономаревтар дьиэ кэргэнэ;
2  миэстэ  –  Филиппова Далаана «Танюша хоһоонунан;
3  миэстэ  –  Колледж устудьуоннара.
Иккис “Чурапчы — мин дойдум” түһүмэххэ:
1 миэстэ —  С.А.Новгородов аатынан Чурапчы орто оскуолатын 6 «б» кылаас үөрэнээччилэрэ;
2 миэстэ — Марк Петров С.А.Новгородов Чурапчы орто оскуолатын 1 кылаас үөрэнээччитэ;
3 миэстэ – Тургун Седалищев ЧРССШИОР 1 кылаас үөрэнээччитэ.
Үһүс көҥүл тиэмэ түһүмэҕэр:
1 миэстэ – Евгения Егоровна Пермякова, авторскай хоһоонунан;
2 миэстэ – Семен Иванович Никитин, авторскай хоһоонунан;
3м – Анна Андреевна Дьячковская.
 
Хоһоон түһүлгэтигэр кэлбит дьон бары үөрэн-көтөн, ирэ-хоро кэпсэтэн, астынан-дуоһуйан тарҕастылар.