Алтынньы 18 күнүгэр 2024сыл Улуустааҕы киин библиотека “Е.А.Борисов библиотека- архыыбын” отделыгар Степан Кузьмич Макаров аатынан Чурапчы улууһун гимназиятын 9 кылааһын үөрэнээччилэрэ (кылаас салайааччыта Абрамов С. С.) сонун тэрээһиҥҥэ кытыннылар. Библиотека-архыыбы билиһиннэрэр экскурсия ыытылынна, ону тэҥэ Егор Афанасьевич Борисов 70 сааһынан, кини олоҕун, үлэтин сырдатар А.А.Саввин аатынан История уонна этнография музейа оҥорбут видеоролигын көрдүлэр. Саха сиригэр Ийэлэр күннэрин көрсө, бу күн оҕолорго Е.А. Борисов ийэтин Прасковья Ильинична Борисова туһунан “ Күн күбэй ийэбит барахсан» диэн кыыһа А.А.Ноева уонна сиэнэ А.Е. Пестрякова хомуйан оҥорбут кинигэлэрин улаханнык сэргээн билистилэр.