Картузов Егор Егорович — Чоруун

Егор Егорович Картузов Чурапчы оройуонугар Болтоҥо нэһилиэгэр 1960 сыллаахха ыам ыйын 26 күнүгэр төрөөбүтэ. Бастакы кылааска Болтоҥо орто оскуолатыгар 1967 сыллаахха киирбитэ. 1975 сыллаахха Чурапчы спортивнай оскуолатыгар киирбитэ. 1977 сыллаахха СГУ физикаҕа салаатын үөрэнэн бүтэрбитэ. Оскуолаҕа уонна университетка үөрэнэр кэмигэр улуу тренер Д.П.Коркиҥҥа дьарыктаммыта. Өр кэмҥэ көҥүл тустууга уонна хапсаҕайга күрэхтэспитэ. Көҥүл тустууга Д.П.Коркин бирииһигэр Бүтүн Союзтааҕы турнирга уонна Саха сиригэр Н.Н.Тарскай бирииһигэр иккис буолбута, ону таһынан элбэх өрөспүүбүлүкэтээҕи күрэхтэһиилэр кыайыылаахтара. Хапсаҕайга Саха Өрөспүүбүлүкэтин спордун маастара. Чурапчы оройуонун Хайахсыт, Болтоҥо орто оскуолаларыгар физика учууталынан үлэлээбитэ.

       Айар үлэнэн 50 сааһыттан утумнаахтык дьарыктанар. Кэпсээннэрэ өрөспүүбүлүкэтээҕи хаһыаттарга уонна сурунаалларга бэчээттэнэллэр. 2012 сыллаахха «Байанай» сурунаал 10 сылыгар аналлаах литературнай конкурска кэпсээн суруйан бастаабыта. «Адьырҕалыын хапсыһыы» кэпсээннэрин хомуурунньуга 2014 сыллаахха “Үүтээн үһүйээннэрэ” сериянан тахсыбыта. «Сунтаар сорсуннаах булчуттара» 2015 сыллаахха күн сирин көрдө. Айымньылаахтык үлэлии сылдьар кэскиллээх суруйааччыбыт буолар.

Айымньылара

Адьырҕалыын хапсыһыы / [худ. А. Н. Баишев]. — Дьокуускай : Бичик, 2014. – 160 с. — (Үүтээн үһүйээннэрэ).

Гурий Турантаев-Бороҕон оҕонньор / [ред. Е. Г. Турантаева]. — Дьокуускай: Сахаада, 2015. — 160 с.

Сунтаар сорсуннаах булчуттара: кэпсээннэр. — Дьокуускай : ИД «Илгэ», 2015. — 222 с.

Тыын былдьаһыгар аар тайҕа дириҥ тугэхтээх кистэлэҥнэрэ, чулуу булчуттар быһылааннаах түбэлтэлэрэ. — Дьокуускай : Бичик, 2016. — 150 с. — (Үүтээн үһүйээннэрэ).

Ньукулай: кэпсээн // Байанай. — 2012. — № 2. — С. 24-26.

Амма чулуу булчута // Байанай. — 2012. — № 3. — С. 32.

Байанай аргыстаах. Саха АССР үтүөлээх булчута Евсеев Семен Александрович кэпсээнэ // Байанай. — 2012. -№ 5. — С. 36-39.

Маҥнайгы булт : кэпсээн И Байанай. — 2012. — № 3. — С. 14.

Тайахха тоһуйа ; Куобахха туһахтааһын; Андыны бултааһын; Хааһы бултааһын: кэпсээннэр И Байанай. — 2013. — № 4. — С. 24-26.

Үллэһик ; Аммана; Лекой; Ньукулай Харытыанап кэпсээнэ :кэпсээннэр // Байанай. -2013.-№ 5.- С. 12-14.

Убайым Борокуоппай кэпсээннэрэ // Байанай. — 2013. — № 3. — С. 16-19.

Алыаһайга. Созонов Мэхээлэ-Мишон кэпсээнэ // Байанай. — 2014. — № 2. — С. 22-25.

Солоҥдо ; Бүүчээн; Бүөтүр; Анаабырга; Көстөкүүн; Суедэр: кэпсээннэр // Байанай. — 2014.-№ 1.- С. 32-35.

Сунтаар сорсуннаах булчуттарын мэтириэттэрэ // Байанай. — 2014. — № 4. — С. 24-26.

Бороҕон оҕонньор // Чолбон. -2015. -№ 1.- С.61-74.

Бээрийэҕэ бултааһын // Байанай. — 2015. — № 4. — С. 26-32.

Бытыгый быһылааннара // Байанай. — 2015. — № 3. — С. 42-45.

Тоймо Сэмэн: кэпсээн // Күрүлгэн. — 2017. — № 2. — С. 60-65.

Олоҕун уонна айар үлэтин туһунан

Дапсы. Егор Картузов кинигэлэрин туһунан санаа / Дапсы // Кыым. — 2016. — Бэс ыйын 23 к.-с. 31.

Бөтүрүөп, Б. «Дьааҥы хайалара суруйар үлэҕэ сыһыардылар» Бүөтүр Бөтүрүөп // Кыым. — 2015. — Балаҕан ыйын 10 к. — 43 с.

Макаров, Г. Гурий Турантаев-Бороҕон оҕонньор : [«Гурий Турантаев-Бороҕон оҕонньор» кинигэ сурэхтэниитэ] / Г. Макаров // Саҥа олох. — Чурапчы. — 2016. — Кулун тутар 22 к. — С. 2.