Кулун тутар 19 күнүгэр “Увлекательный мир творчества, сборник творческих проектов обучающихся» диэн кинигэ сүрэхтэниитэ буолла. Кинигэни түмэн оҥордо Г.Д.Протодьяконов аатынан Алаҕар орто оскуолатын технологияҕа учуутала СӨ үөрэҕириитин туйгуна, РФ үөрэҕириитин уонна үөрэхтээһинин бочуоттаах үлэһитэ Мария Елисеевна Слепцова.

Кулун тутар 20 күнүгэр улуус культуратын үлэһиттэригэр 7-с төгүлүн ыытыллар «Чолбон» бириэмийэ туттарыытын дьоро тэрээһинэ буолла.

Хатылы нэһилиэгэр Көһөрүллүү музейыгар «Биилээх сэп-сэбиргэл» көһө сылдьар быыстапката турда.

И.М.Павлов аатынан Чурапчы орто оскуолатынын орто сүһүөҕүн оҕолоругар экскурция тэрилиннэ. Бибилэтиэкэ үлэтин кытта билистилэр.

Кулун тутар 21 күнүгэр баһаары утары охсуһар сулууспа киин бибилэтэкэ үлэһиттэригэр үөрэх ыытта.

Бу күн бибилэтиэкэ былассаакатыгар Дьокуускайдааҕы национальнай медицинэ кииниттэн Софронова Гульнара Ивановна үрдүк категориялаах невролог быраас эһээхий оҕону хайдах быһыылаахтык көрөн-истэн улаатыннарарын туһунан быраастарга, нэһилиэнньэҕэ сүбэлэрин тириэртэ.

Кулун тутар 21 күнүгэр «Оҕуруоччукка сүбэлэр» диэн «Россельхозцентр» республикатааҕы филиалын агрономнарын кытары көрсүһүү буолла. Көрсүһүүгэ оҕуруокка аналлаах араас ньымалары, сүбэлэри кэпсээтилэр. Оҕуруот аһын, сибэкки сиэмэлэрин атыылаатылар. Бибилэтиэкэ ааҕаар саалатыгар «Все об огороде» диэн оҕуруокка аналлаах кинигэ быыстапката турда.