Олунньу 15 күнүгэр киин бибилэтиэкэ ааҕар саалатыгар “Сахалыы дьыктаан — 2025” аахсыйа ыытылынна.

Бу күн бибилэтиэкэ былаһааккатыгар  Беверли Велибер Японскай компания натуральнай продукциятын сэҥээрээччилэргэ, истиэн-билиэн баҕарар дьоҥҥо көрсүһүү, билиһиннэрии тэрийдэ.

Ону тэҥэ А.П.Гоголев аатынан оҕо искусстватын оскуолатын уонна С.А.Новгородов аатынан Чурапчы орто оскуолатын бүтэрээччилэр бибилэтиэкэҕэ кэлэннэр фотосессия ыыттылар.

Олунньу 17 күнүгэр П.И.Борисова аатынан Чурапчытааҕы «Улыбка» оҕо уһуйаана «Сахалыы дьыктаан – 2025» аахсыйаҕа кыттыста. «Бастыҥтан бастыҥ суруксут» анал ааты ылла — Протодьяконова Виктория, “Бастыҥ суруксут” — Назарова Мария, «Үчүгэй суруксут» номинациялары ыллылар: Охлопкова Татьяна, Ефимова Саргылана, Пономарева Пелагея.

Нэдиэлэ устата Саха норуодунай суруйааччыта,А.Е.Кулаковскай аатынан Саха Өрөспүүбүлүкэтин судаарыстыбыннай бириэмийэтин лаурета, публицист, Чурапчы улууһун уонна Одьулуун нэһилиэгин бочуоттаах олохтооҕо В.Н.Егоров – Тумарча 90 сааһынан И.М.Павлов уонна С.А.Новгородов аатынан Чурапчытааҕы орто оскуолаларын үрдүкү кылаастарын оҕолоругар литературнай уруоктар ыытылыннылар. Бу уруоктарга суруйааччы олоҕо, айар үлэтэ видео матырыйаалларынан көрдөрүлүннэ. Тумарча бэйэтэ идэтинэн геолог буолан сахалыы мындыр өйүнэн, сатабылынан кэпсээн суруйбутун оҕолор сэҥээрэ иһиттилэр. Уруоктары киин бибилэтиэкэттэн  М.Н. Захарова ыытта.

Олунньу 17 күнүттэн 24 күнүгэр диэри Аҕа дойду көмүскээччилэрин күннэригэр анаан ханна да, хаһан да хатыламмат 60 тахса көрүҥ “Биилээх сэп-сэбиргэл”интэриэһинэй быыстапката үлэлээтэ. Быыстапканы сэҥээрээччилэр улуус нэһилиэктэриттэн, оскуолалартан, Таатта улууһуттан тиийэ, ону тэҥэ тимиринэн уһанар уустар кэлэн көрдүлэр, биилээх сэп-сэбиргэл историятын билистилэр, быыстапка экспонаттарын сэргээтилэр. Быыстапкаҕа кэлбит дьон ону тэҥэ Е.А.Борисов архыып бибилэтиэкэтигэр экскурсиялаатылар, бибилэтиэкэ үлэтин билистилэр. Кэлэр нэдиэлэҕэ быыстапка үлэтэ салҕанар, улууспут олохтоохторо кэлэн сылдьын, көрүҥ.

Олунньу 20 күнүгэр улуус кииннэммит бибилэтиэкэлэрин ситимин үлэһиттэрин ааспыт сыл түмүгүнэн уонна быйылгы сыл соруктарынан уопсай мунньаҕа буолла. Бибилэтиэкэрдэр үлэҕэ саҥа киириилэри, уларыйыылары билистилэр уонна бэйэлэрин бастыҥ уопуттарын үллэһиннилэр. Салҕыы бибилэтиэкэ өҥөтүн сайыннарыыга, үлэни ыытыыга элбэх туһалааҕы, наадалааҕы биллилэр, көрдүлэр. Бибилэтиэкэрдэр биилээх сэп-сэбиргэл быыстапкатын улаханнык сэҥээрдилэр.

Чурапчы улууһун үһүйээннэрэ уонна номохторо аудио кинигэ бырайыага үлэтэ салҕанар. Нэһилиэктэр бэйэлэрин айымньыларын талааннаах дьоннорунан ааҕыыны салҕыы тэрийэн ыыталлар.

Киин бибилэтиэкэ Үүн-сайын медиалабораториятыгар нэһилиэнньэ олохтоохторугар анаан арааһынай маастар кылаастар ыытыллаллар. Финансовай управления үлэһиттэрэ манна кэлэн сахалыы хаһыаччык тигиитигэр маастар кылааска сырыттылар. Маастар кылааһы ветеран үлэһит Каженкина Е.Н. ыытта.