Е.А.Борисов аатынан киин бибилэтиэкэҕэ нэдиэлэ устата ыытыллыбыт тэрээһиннэри сырдатабыт
Новости
- Нэдиэлэ устата С.А.Новгородов аатынан Чурапчы орто оскуола 8 — 11 кылаастарын үөрэнээччилэригэр “Сталинградтааҕы кыргыһыы” туһунан билиһиннэрии уруоктар ыытылыннылар. Уруогу ыытта киин бибилэтиэкэ үлэһитэ А.П. Капрынова.
- «Волшебные кисточки» куруһуок уонна “КОМПас” аҕам саастаахтарга аналлаах компьютернай куруһуок «Үүн-сайын» медиалабораторияҕа үлэлэрин салҕыыллар.
- Д.Д.Красильников аатынан Мугудай орто оскуолатын 7-с кылааһын үөрэнээччилэрэ учууталларынаан кэлэн Е.А.Борисов архыып бибилэтиэкэтин билистилэр, сэдэх кинигэлэр араас сувенирдар быыстапкаларын интэриэһиргээн, сэргээн көрдүлэр.
- Мэҥэ Хаҥалас улууһун бэтэрээннэрин сэбиэтин делегацията, ону сэргэ Чурапчы улууһун нэһилиэктэриттэн бэтэрээннэр сэбиэттэрин актыбыыстара Чурапчы улууһун киин бибилэтиэкэтин уонна Е.А.Борисов архыып бибилэтиэкэтин үлэтин-хамнаһын билистилэр, бибилэтиэкэҕэ экскурсиялаан кинигэ фондатын, сувенирдар, хартыыналар быыстапкаларын сэргээтилэр, Егор Афанасьевич Борисов уонна атын биллиилээх государственнай деятеллэр олохторун, үлэлэрин сырдатар кинигэлэр тустарынан информация иһиттилэр. Мэҥэ Хаҥалас делегациятыгар ЖЗЛ серияҕа тахсыбыт А.Березовскай, В. Федоров автордаах ”Егор Борисов” кинигэни бэлэх туттарылынна.
