Е.А.Борисов аатынан киин бибилэтиэкэҕэ нэдиэлэ устата ыытыллыбыт тэрээһиннэри сырдатабыт

Улууска «Наука» күнүн тэрээһинин сүбэ мунньаҕа үөрэх управлениятын специалистарын кытта буолла.

П.И.Борисова аатынан «Улыбка» оҕо уһуйаанын кытта киин бибилэтиэкэ уонна  оҕо бибилэтиэкэтэ  дьиэ кэргэнинэн ааҕыы нөҥүө оҕону кыра сааһыттан ааҕыыга уһуйуу бииргэ үлэлэһии бырайыгын сүбэ мунньаҕа буолла.

Сэтинньи ый 12 күнүгэр киин бибилэтиэкэ «Олоҥхону ааҕабыт» бырайыагын чэрчитинэн уонна П.А.Ойуунускай төрөөбүтэ 132 сылыгар аналлаах олоҥхону ааҕыыга холонуу буолла. «Чурапчы литературнай түмсүү» кыттыылаахтарыгар олоҥхону хайдах ааҕарга Игнатий Каженкин маастар кылаас ыытта.

Сэтинньи 13 күнүгэр Саха Өрөспүүбүкэтин бастакы Президиэнэ М.Е.Николаев төрөөбүтэ 88 сылыгар аналлаах ааҕар саалаҕа улахан кинигэ ону тэҥэ виртуальнай быыстапкалар турдулар.

Бу күн С.А.Новгородов аатынан Чурапчытааҕы орто оскуола уонна И.М.Павлов аатынан Чурапчытааҕы 2-с нүөмэрдээх оскуола улахан кылаастарын оҕолоругар М.Е.Николаевка аналлаах литературнай уруоктар ыытылыннылар. Уруоктары ыыттылар ааҕааччыны кытта үлэлиир салаа  бибилэтиэкэрдэрэ Л.Т.Никитина, Е.Н.Дьячковская.

Сэтинньи 14 күнүгэр сылын аайы ыытыллар доруобуйаларынан хааччахтаах дьоҥҥо аналлаах  Аан дойду үрдүнэн ыытыллар «Үрүҥ торуоска» диэн тэрээһин буолла. Кэлбит ыалдьыттар бэйэлэрин талааннарын көрдөрдүлэр, «Толкуйдаа, Оонньоо, Кыай» диэн өй күрэҕэр күрэхтэстилэр, ырыа да ыллаатылар, хоһоон да ааҕан сэргэхсийдилэр. Чурапчы улууһун салалтатын аатыттан Чурапчы улууһун муниципальнай оройуонун социальнай отделын салайааччыта А.А.Пермякова, улуустааҕы инбэлииттэр уопсастыбаларын салайааччыта С.Н.Хоютанова, Адаптивнай спорт салайааччыта И.К. Матвеев, көрбөттөр уопсастыбаларын бэрэссэдээтэлэ В.И.Пономарев эҕэрдэлэрин тириэртилэр.