Е.А.Борисов аатынан киин бибилэтиэкэҕэ нэдиэлэ устата ыытыллыбыт тэрээһиннэри сырдатабыт
Новости
- Ахсынньы ый 15 күнүгэр «Умсулҕан» куруһуок бу сылга түмүктүүр дьарыга буолан ааста. Хатайдааһын ньыматынан сылаас сэлиэччик оҥоһуннулар. Куруһуок салайааччыта бибилэтиэкэр Захарова М.Н.
- Ахсынньы 16 кунүгэр «Сокуон диэн тугуй? Сокуон дойду сайдыытыгар суолтата” диэн тиэмэҕэ Чурапчытааҕы ис дьыала уорганын начальнига И.Д.Свинобоев Чурапчы оскуолаларын үрдүкү кылаас оҕолоругар дьоһуннаах кэпсэтии оҥордо.
- Киин бибилэтиэкэ былаһааккатыгар Саха Өрөспүүбүлүкэтин суруйааччыларын сойууһун чилиэнэ Гавриил Иннокентьевич Адамов – Сайдам “Улууска сахалыы эйгэни тэрийии, саха тылын уонна литературатын көмүскүүр, төрөөбүт тылы сайыннарыы кыһалҕалара” диэн бырайыагын тула Чурапчытааҕы литературнай түмсүү чилиэттэрэ ону тэҥэ саха тылын учууталлара кэлэннэр киэҥ кэпсэтии буолла.
- Ахсынньы 18 күнүттэн Е.А.Борисов архыып-бибилэтиэкэтин фондатыттан Саҥа дьыллааҕы ураты открыткалара уонна араас сылларга тахсыбыт интэриэһинэй халандаардар быыстапкалара тэрилиннэ.
- Киин бибилэтиэкэ “Үүн сайын” медиалабораториятыгар аҕам саастаахтарга компьютерынан туһаныыга «КОМПас» куруһуога үлэтэ салҕанар.
- Березка уһуйаан иитээччитэ Луиза Николаевна Андреева оҥорон таһаарбыт авторскай «Тыыныы гимнастиката: оҕону кытта дьарыктанарга» диэн кинигэ сүрэхтэниитэ буолла. С.А.Новгородов аатынан “Айар” национальнай кинигэ кыһатыгар таҥыллан Новосибирскай куоракка “Деал” кинигэ кыһатыгар бэчээттэнэн тахсыбыт. Кинигэ сынньалаҥҥа аналлаах таһаарыы буолан оҕо саҥатын дьарыктыырга, тыынар уорганы сайыннарарга аналлаах ньымалар, төрөппүттэргэ, иитээччилэргэ аналлаах сүбэлэр киирбиттэр. Хас биирдии сүбэ хоһоонунан дьүөрэлээн видео-матарыйааллардаах.
- Ахсынньы 20 күнүгэр Айылгы норуот айымньытын дьиэтигэр «Чурапчы оһуохайын» үөрүүлээх түһүлгэтэ буолан ааста. 2025 сылга улууспутугар оһуохай сайдыытыгар санаа атастаһыыта уонна сүрүн тосхоллору кэпсэтии буолла. Михаил Евсеев – Кураһаай Мэхээлэ 75 сааһыгар аналлаах буолан ааспыт Республиканскай күрэх кыттыылаахтара Семен Морфунов, Валентина Дьячковская, Давид Андреев кэлэннэр кыттан «Махтал сурук” туттулар. Тэрээһини кыттааччылар бары туран «Чурапчы оһуохайынан» түмүктээтилэр.
