Е.А.Борисов аатынан киин бибилэтиэкэҕэ нэдиэлэ устата ыытыллыбыт тэрээһиннэри билиһиннэрэбит
- Алтынньы ый 21 күнүгэр Чурапчы улууһун норуотун маастара, Бочуоттаах бэтэрээнэ, Хатылы нэһилиэгин бочуоттаах олохтооҕо, үлэ бэтэрээнэ, айылҕаттан айдарыылаах уруһуйдьут Николай Николаевич Колесов — Дьүһүй «Айылҕа сүрэҕим абылаҥа» быыстапкатын үөрүүлээх арыллыыта буолла.
- Алтынньы 22 күнүгэр пенсионнай фонда коллективыгар П.Н.Сокольников туһунан кыраайы үөрэтээччи Любовь Михайловна Григорьева Луохтуур Сокольников документальнай киинэни, архыыптан ылбыт докумуоннары көрдөрөн кэпсээтэ.
- Т.Е. Сметанин төрөөбүтэ 105 сылыгар аналлаах «Тимофей Сметанин айымньыларыгар Саха саллаатын уобараһа» диэн Чурапчы улууһун С.А.Новгородов аатынан, И.М.Павлов орто оскуолаларын 8,9,10 кылааһын оҕолоругар литературнай уруок ыытылынна. Уруок иккис чааһыгар «Егор Чээрин» кинигэ тула киинэттэн быһа тардыы викторина буолла. Уруоктары ыыттылар ааҕааччыны кытта үлэлиир салаа бибилэтиэкэрдэрэ Л.Т.Никитина, М.Н.Захарова.
- Нэдиэлэ устата турар «Айылҕа сүрэҕим абылаҥа» уруһуй быыстапкатыгар күннэтэ Чурапчы олохтоохторо, оскуола оҕолоро, ыалдьыттар кэлэн көрөн астыннылар.
