Е.А.Борисов аатынан киин бибилэтиэкэҕэ нэдиэлэ устата ыытыллыбыт тэрээһиннэри билиһиннэрэбит
Новости
- Тохсунньу 27 күнүгэр Таатта улууһун киин бибилэтиэкэтин үлэһиттэрэ кэлэн опыт атастаһан, бибилэтиэкэ үлэтин-хамнаһын билистилэр. Иннкитин да тэҥҥэ үлэлэһэргэ сүбэлэстилэр
- Бу күн Чурапчы улууһун орто оскуолаларын үрдүкү кылаас үөрэнээччилэригэр “Аҕа дойдуну көмүскээччи сыла”диэн «Эр санаа» уордьан кавалера, морской пехотинец Виталий Матвеевы кытта дьоһун кэпсэтии буолла.
- Тохсунньу 29 күнүгэр Чурапчы чулуу киһитэ, биир дойдулаахпыт, айылҕаттан айдарыылаах, Аан дойдуга аатырбыт график, РСФСР уонна Саха сирин норуодунай худуоһунньуга Афанасий Петрович Мунхалов төрөөбүтэ 90 сылыгар анаммыт Регионнааҕы «Мунхаалап ааҕыылара» научнай-практическай конференцияҕа “Норуоттан тахсыбыт талаан” диэн кинигэ быыстапката турда. Конференция экспертара бибилэтиэкэҕэ ыалдьыттаан аастылар.
- Бу күн Алаҕардааҕы култуура киинин үлэһиттэрэ Е.А.Борисов архыып бибилэтиэкэтин кытта билсэ анаан-минээн кэлэ сырыттылар. Е.А.Борисов фондатын сэҥээрэн бардылар.
- Тохсунньу 30 күнүгэр бибилэтиэкэ былаһааккатыгар П.Н.Сокольников аатынан нэһилиэктэр быраастарын конференциялара буолла. “Медицина на службе здоровья” диэн кинигэ быыстапката турда, библитеканы кытта билистилэр.
- Бу күн «Үүн-сайын» медиалабораторияҕа уочараттаах аҕам саастаахтарга аналлаах “КОМПас”диэн компьютерынан туһаныы уруога буолла.
- Тохсунньу 31 күнүгэр поэтесса, прозаик, «Чурапчы» литературнай түмсүү салайааччыта,СР суруйааччыларын чилиэнэ, СР култууратын туйгуна Римма Иннокентьевна Корякина – Хотууна үбүлүөйдээх дьоро киэһэтэ буолла.
