Е.А.Борисов аатынан киин бибилэтиэкэҕэ нэдиэлэ устата ыытыллыбыт тэрээһиннэри билиһиннэрэбит.Сэтинньи 12 күнүгэр оскуола дириэктэрдэрин сүбэһиттэрэ уонна педагог-организатордар семинардара ыытылынна уонна архыып бибилэтиэкэ үлэтин билистилэр.Сэтинньи 13 күнүгэр аһыллыбыт «СВОи родные” диэн анал байыаннай дьайыы кыттыылаахтарыгар уонна Аҕа дойдуну көмүскээччилэргэ аналлаах киэҥ ис хоһоонноох быыстапка дьон сэргэ интэриэһин, биһирэбилин ылла.Саха сирин бастакы президена М.Е.Николаев төрөөбүтэ 87 сылынан «Вся жизнь — служение народу” диэн медиауруок ыытылынна. Кыттыыны ыллылар Чурапчытааҕы С.А.Новгородов аатынан орто оскуола уонна С.К.Макаров аатынан Чурапчытаа5ы гимназия үрдүкү кылааһын үөрэнээччилэрэ. Ону тэҥэ оҕолор М.Е.Николаев олоҕун, үлэтин сырдатар кинигэ быыстапкатын билистилэр.Сэтинньи 14 күнүгэр Аан дойдутааҕы логопедтар күннэринэн улуус оскуолаҕа киириэн иннинээҕи саастаах оҕолор тэрилтэлэрин логопедтарын түмсүүлэрэ буолан ааста. Бибилэтиэкэ-архыып үлэтин туһунан билиһиннэриини бу түмсүү кыттыылаахтара улаханнык сэҥээрдилэр.«Исторический процесс становления государственности Якутии: 1922-1941гг.” Диэн 156 страницалаах научнай- популярнай кинигэ Дани-Алмас кинигэ кыһатыгар бэчээттэнэн тахсыбыт. Барыта 200 үлэ киирбититтэн 25 бастыҥ дакылаат кинигэҕэ киирбит, онтон 5 үлэтэ Чурапчы улууһа.Чурапчы туһунан 1922-1941сс туох историческай событиялар уонна ону төрүттэспит, салайсыбыт дьоннор тустарынан бу саҥа кинигэ нөҥүө кэпсэтии буолла. Кыттыыны ыллылар Чурапчы улууһун кыраайы үөрэтээччилэрэ: Дьячковский М.В, Григорьева Л.М, Филиппова М.Е., Макаров Эрсан уонна  С.К.Макаров аатынан гимназия, И.М.Павлов аатынан орто оскуола үөрэнээччилэрэ. И.М.Павлов аатынан оскуола дириэктэрэ Н.Н.Попов оскуола аатыттан эҕэрдэ суруктарын туттарда, Филиппова М.Е. бибилэтиэкэҕэ бэйэтин кинигэтин бэлэх уунна. Кэпсэтиини киин бибилэтиэкэ үлэһитэ Захарова М.Н. тэрийэн ыытта.Нэдиэлэ устата бибилэтиэкэ-архыыпка улуус оскуолаларыттан, тэрилтэлэриттэн, түөлбэлэртэн кэлэннэр үгүс киһи экскурсияҕа сырыттылар, бибилэтиэкэни кытта билистилэр.