Е.А.Борисов аатынан киин бибилэтиэкэҕэ нэдиэлэ устата ыытыллыбыт сонуннары билиһиннэрэбит.
Новости
- Ахсынньы 1 күнүгэр бибилэтиэкэҕэ “Умсулҕан” куруһуокка дьарыктанааччылар хатайдааһын ньыматынан сылаас кыһыҥҥы үтүлүгү оҥостон үөрэн тарҕастылар. Куруһуок салайааччыта бибилэтиэкэ үлэһитэ Захарова М.Н.Ахсынньы 2 кунүгэр «Волонтер диэн кимий? Кини биһиги олохпутугар туох суолталаа5ый?”диэн тиэмэҕэ Улуус депутаттарын сэбиэтин бэрэссэдээтэлэ Яков Павлович Оконешников Чурапчы оскуолаларын үрдүкү кылаас оҕолоругар дьоһуннаах кэпсэтии оҥордо.Ахсынньы 3 күнүгэр «Айылгы норуот айымньытын дьиэтигэр” Чурапчы, Хатылы, Болтоҥо ыччаттарыгар «Молодежный десант» буолан ааста. Бибилэтиэкэ үлэһитэ Маркова В.Е. ыччаттарга саха суруйааччыларын, ааптардарын, ону тэҥэ Чурапчы биллиилээх дьоннорун тустарынан билиилэрин-көрүүлэрин тургутууга квест оонньуу тэрийэн ыытта.Ахсынньы 5 күнүгэр “Тыа сирэ сайдарын туһугар” диэн Саха Өрөспүүбүлүкэтин норуотун хаһаайыстыбатын үтүөлээх үлэһитэ, Чурапчы улууһун, 8 нэһилиэктэрин уонна Нам улууһун 2 нэһилиэгин бочуоттаах олохтооҕо Иннокентий Николаевич Аммосовы кытта Чурапчы улууһун нэһилиэктэрин, оскуолаларын, тэрилтэлэрин эдэр салайааччыларын иһирэх көрсүһүүлэрэ, аһаҕас кэпсэтиилэрэ ыытылынна. Бу көрсүһүү чэрчитинэн «И.Н.Аммосов” диэн саҥа кинигэ сүрэхтэннэ.Ахсынньы 5 күнүгэр Чакыр нэһилиэгэр Л.А. Афанасьев — Тэрис «Олоҥхоҕо киһи анала» саҥа кинигэтин тула олоҥхо тиэмэтигэр төгүрүк остуол буолан ааста. Киин бибилэтиэкэ үлэһитэ В.Е.Маркова “Олоҥхону истии, ааҕыы эйгэтин сайыннарыы” диэн проегын билиһиннэрдэ.Бибилэтиэкэ киин былассааккатыгар Профсоюз холбоһуктаах тэрилтэлэрин икки ардыгар “Лучшая пятерка” брейн-ринг оонньуута ыытылынна. Барыта 4 хамаанда кэлэн күөн көрүстүлэр. Көхтөөх, сэргэх киирсии түмүгэр үөрэх эйгэтин «Сулустар» хамаандата кыайыылааҕынан таҕыста. Оонньууну тэрийэн, салайан ыытта бибилэтиэкэ үлэһитэ Флегонтова С.К.«Үүн-сайын» медиалабораторияҕа «Волшебные кисточки» уруһуй куруһуогун уочараттаах дьарыгыгар умсугуйааччылар көхтөөхтүк кытыннылар. Уруһуй алыптаах кистэлэҥигэр саҥа үөрүйэхтэри иҥэриннилэр.Ахсынньы 6 күнүгэр киин бибилэтиэкэҕэ Саха Өрөспүүбүлүкэтин култуураҕа уонна духуобунаска министиэристибэтин миниистирэ А.И.Ноев салайааччылаах делегация ыалдьыттаата. Министерство, Национальнай бибилэтиэкэ, Емельян Ярославскай аатынан музей, Россия наукаларын академиятын сибиирдээҕи салаатын эппиэттээх үлэһиттэрэ уонна Чурапчы улууһун баһылыга, култуура управлениятын салайааччыта кыттыылаах бииргэ үлэлээһиҥҥэ сүбэлэһии кэпсэтиитин ыыттылар. Делегация састаабыгар Саха Өрөспүүбүлүкэтин Национальнай бибилэтиэкэтин дириэктэрэ С.В. Максимова кэлсэн тэрилтэ үлэтин билистэ, бибилэтиэкэлэр иннилэригэр турар сүрүн соруктар, саҥа ирдэбиллэр боппуруостарыгар үлэһиттэри кытта кэпсэттэ, сүбэ-ама биэрдэ, Г.М.Василевич ааптардаах «Эвенки. Этнографическая монография» Новосибирскайга «Наука» издательствоҕа бэчээттэнэн тахсыбыт икки томнаах сэдэх кинигэни бибилэтиэкэҕэ бэлэхтээтэ. Түмүккэ Миниистир А.И.Ноев үлэһиттэргэ туһаайан бэйэтин этиитин оҥордо уонна «Материальная и духовная культура народов Якутии в музеях мира (XVII-начало XX вв)» улахан, дьоһун кинигэ икки туомун бэлэх уунна.
