Е.А.Борисов аатынан киин бибилэтиэкэҕэ нэдиэлэ устата буолбут тэрээһиннэри сырдатабыт

Алтынньы 29 күнүгэр Улуустааҕы инбэлииттэр обществоларын сакааһынан Кытаанахтааҕы тыа сирин модельнай библиотекатын сэбиэдиссэйэ Л.А.Пономарева уонна «Сыккыс» доруобуйаларынан хааччахтаах дьон түмсүүтэ, салайааччы П.В.Новгородова, тэрийиилэринэн Комсомол күнүгэр аналлаах «Үйэлээх сыаннастар — ЫТЫК өй» күрэх оонньууну ыыттылар. Бу оонньууну толкуйдаан оҥорбут Кытаанах нэһилиэгин олохтооҕо, биир уолун суһал байыаннай дьайыыга сүтэрбит, биир уола билигин да сулууспалыы сылдьар Ийэ —  Анна Васильевна Нестерева буолар. Доруобуйаларынан хааччахтаах дьон мустан, 4 хамаандаҕа арахсан, көхтөөхтүк күрэххэ кытыннылар, эдэр саастарын санаан, кыайыылаахтар наҕараадаланан, үөрэн, сэргэхсийэн, тэрийээччилэргэ махтанан тарҕастылар.

Алтынньы 30 күнүгэр бибилэтиэкэ ааҕар саалатыгар нолуок сулууспатын иниспиэктэрэ Л.В.Тыкынаева нэһилиэнньэ олохтоохторугар семинар ыытта. Биирдиилээн дьон төлүүр баай-дуол нолуогун төлөбүрүн, бэрээдэгин, болдьоҕун билиһиннэрдэ.

Амма, Таатта улуустарын үөрэҕин профсойуустарын актыыптара кэлэн бибилэтиэкэни кытта билистилэр, быыстапканы көрөн биһирээтилэр.

Аан дойдутааҕы оскуола бибилэтиэкэрдэрин күнүгэр ананан үөрэх управлениятынан ыытыллыбыт декада түмүгүн үөрүүлээхтик түмүктүүр чааһа бибилэтиэкэҕэ буолла.  Оскуола бибилэтиэкэлэрин иннигэр турар соруктары, саҥаны киллэриилэри тула кыттааччылар санаа атастастылар. Киин бибилэтиэкэ ааҕааччыны кытта үлэлиир салаатын сэбиэдиссэйэ М.Н.Кузьмина библиографическай суруйуулар стандартарыгар киирбит уларыйыылары билиһиннэрдэ уонна оҥоһуллуутун көрдөрөн, сүбэлэри биэрдэ. Өр сылларга ситиһиилээхтик, айымньылаахтык үлэлээбит улуус оскуолаларын педагог-бибилэтиэкэрдэригэр республика, улуус наҕараадалара үөрүүлээх быһыыга туттарылыннылар.

Н.Д.Субуруускай аатынан Болтоҥо орто оскуолатын уонна реабилитационнай кииҥҥэ сылдьар үөрэнээччилэр каникулларын кэмигэр бибилэтиэкэни билистилэр, быыстапканы көрдүлэр уонна кинилэргэ анаан «Олоҥхо алыптаах эйгэтэ»библиотечнай уруок ыытылынна, уруогу ыытта аа5ааччын кытта үлэлиир салаа бибилэтиэкэрэ В.Е.Маркова.

Ааҕар саала бибилэтиэкэрдэрэ А.П.Капрынова, М.Н.Захарова Чурапчытааҕы сокуоннай саастарын туола илик оҕолору социальнай реабилитациялыыр киин иитиллээччилэригэр норуот сомоҕолоһуутун күнүгэр аналлаах биллэрэр, көрдөрөр оонньуулаах дьарык ыыттылар.

Норуоттар сомоҕолоһууларын күнүгэр анаан «4 ноября День народного единства» кинигэ быыстапката турда.