Ыам ыйын 5 күнүгэр “Үүн-сайын” медиалабораторияҕа “Умсулҕан” куруһуок кыттыылаахтара хатайдааһын ньымаынан саас кэтиллэр бэргэһэ оҥостон астынан тарҕастылар. Салайааччы киин бибилэтиэкэ бибилэтиэкэрэ М.Н.Захарова.Ыам ыйын 6 күнүгэр Норуот үөрэҕириитин туйгуна, Саха Өрөспүүбүлүкэтин үтүөлээх үлэһитэ, Саха Өрөспүүбүлүкэтин учууталларын учууталлара, Саха Өрөспүүбүлүкэтин физическай культуратын уонна спордун туйгуна Владислав Николаевич Кривошапкин “Чурапчыга Кыайыы Параадын” историятын кэрэһэлиир хаартыскаларын быыстапката үөрүүлээх арыллыыта буолла.      Ыам ыйын 6 күнүгэр ааҕар саалаҕа эдэр ыччаттарга Улуу Кыайыы 80 сылынан сэрии тиэмэтигэр  аналлаах “Дорогами Победы” диэн квиз оонньуу буолан ааста. Манна Чурапчытааҕы Аграрнай техническэй колледж устудьуоннара, С.К.Макаров аатынан Чурапчытааҕы гимназия уонна С.А.Новгородов аатынан Чурапчытааҕы орто оскуолаларын үрдүкү кылаастарын оҕолоро хамаанда туруораннар сүрдээх интэриэһинэй, интелектуальнай оонньууну оонньоотулар. Түмүккэ 1 миэстэни Чурапчытааҕы гимназия хамаандата, 2 миэстэни Чурапчытааҕы орто оскуола, 3 миэстэни Чурапчытааҕы аграрнай техническэй колледж устудьуоннара ыллылар.

Бу күн И.М.Павлов аатынан Чурапчы орто оскуолатыгар 5,7,8 “а”, 8 “б”,10 кылаастарын үөрэнээччилэригэр  «Чурапчы буойун суруйааччылара» диэн үйэтитии уруоктара ыытылыннылар. Биир дойдулаахтарбыт олохторун, айбыт айымньыларын, сэриилэспит сирдэрин туһунан иһитиннэрии оҥордулар. Уруок иккис аҥарыгар “Своя игра” диэн  оонньууга хамаандаларынан арахсан оонньоотулар. Уруогу ыыттылар ааҕааччыны кытта үлэлиир отдел бибилэтиэкэрдэрэ М.Н.Захарова, А.П.Капрынова.

Ыам ыйын 7 күнүгэр Аҕа дойду сэриитин кыттыылааҕа, үлэ, спорт бэтэрээнэ, ССРС кинематографиятын туйгуна Картузов  Алексей Дмитрьевич туһунан «Дэгиттэр талааннаах Алексей Картузов» диэн кинигэ сүрэхтэниитэ буолла.