Е.А.Борисов аатынан киин бибилэтиэкэ нэдиэлэтээҕи сонуннарын сырдатабыт
Олунньу 18 күнүгэр В.С.Соловьев – Болот Боотур аатынан Хатылы орто оскуолатыгар РСФСР үтүөлээх учуутала Петр Николаевич Федоров аатын үйэтитиигэ, дьиэ кэргэнинэн кинигэни ааҕыыны сайыннарыыга туһуламмыт “Федеровские чтения” буолан ааста. Барыта 4 түһүмэҕинэн буолла. Маҥнайгы түһүмэх хоһоон ааҕыыта, иккис научнай-практическай чааһа икки хайысханан буолла “Русская филология”, “Краеведение”, үһүс түһүмэххэ медиа бырайыактары көмүскээһин «История одной книги» уонна төрдүс түһүмэх нуучча тылыгар олимпиада. Уопсайа 64 кыттааччы кытынна. Киин бибилэтиэкэттэн У.Н.Атласова экспертынан үлэлээтэ.
Бу күн Чурапчытааҕы И.Н.Винокуров аатынан «Айылгы» норуот айымньытын дьиэтигэр “Чурапчыга оҥорон таһаарыы сылыгар анаммыт” быыстапка-дьаарбаҥкатыгар киин бибилэтиэкэ «Дойдубут эмтээх үүнээйилэрэ» кинигэ быыстапкатын туруорда. Ону тэҥэ ааҕааччыны кытта үлэлиир салаа бибилэтиэкэрэ В.Е.Маркова бэйэтин алаас отторунан хомуйан оҥорбут эмтээх чэйдэринэн, оҥоһуктарынан уонна бибилэтиэкэ иһинэн үлэлиир кини уһуйааччылара «Эмтээх от Чурапчы» куруһуок кыттыылаахатара хомуйбут отторунан быыстапкаҕа турдулар.
Олунньу 18 күнүгэр киин бибилэтиэкэ саалатыгар «Развитие местного производство в селськом хозяйстве» диэн тыа хаһаайыстыбатынан дьарыктанар фермердарын форума ыытылынна.
Бу күн И.М.Павлов аатынан Чурапчы орто оскуолатыгар улуустааҕы 9-с төгүлүн ыытыллар “Павлов ааҕыылара” буолла. Киин бибилэтиэкэтин ааҕааччыны кытта үлэлиир салаа бибилэтиэкэрэ В.П.Лонгинова «Буойун учуутал, үйэтитээччи» диэн кинигэ быыстапкатын туруорда.
Олунньу 19 күнүгэр Е.А. Борисов аатынан Киин бибилэтиэкэҕэ Саха сирин норуодунай суруйааччытын, РФ Суруналыыстарын уонна СӨ Суруйааччыларын холбоһуктарын, ону тэҥэ Суруйааччылар Норуоттар икки ардыларынааҕы сообществоларын чилиэнин, Алаҕар нэһилиэгин Бочуоттаах гражданина, СӨ култууратын үтүөлээх үлэһитин, норуот таптыыр бэйиэтин, прозаигын, хомоҕой тыллаах суруналыыһын Наталья Михалева-Сайаны кытта «Сайа тыла – саха тыына» истиҥ көрсүһүү буолла. Бу дьоро киэһэҕэ Чурапчы дьоно-сэргэтэ сааланы толору муһуннулар.
Олунньу 20 күнүгэр спорду олоҕун аргыһа оҥостубут, сахаспордун сырдатыыга биир солбуллубат суруналыыс, Василий Федорович Посельскай “Кылыйар кырдал ыҥырар” кинигэтин дойдутун дьонугар сүрэхтээтэ.
