Е.А.Борисов аатынан киин бибилэтиэкэ нэдиэлэтээҕи сонуннара
Ахсынньы 9 күнүгэр улуус кииннэммит бибилэтиэкэлэрин ситимин үлэһиттэрин уопсай мунньаҕа буолла. Бибилэтиэкэрдэр үлэҕэ саҥа уларыйыылары билистилэр уонна бэйэлэрин бастыҥ уопуттарын үллэһиннилэр. Салҕыы бибилэтиэкэ өҥөтүн сайыннарыыга, үлэни ыытыыга элбэх туһалааҕы, наадалааҕы биллилэр, көрдүлэр.
Ахсынньы 10 күнүгэр С.К.Макаров аатынан Чурапчытааҕы гимназия 8 кылааһын үөрэнээччилэригэр «Герои отечества” уруок ыытылынна. Уруогу ыытта ааҕааччыны кытта үлэлиир салаа бибилэтиэкэрэ В.Е.Маркова.
Ахсынньы 9-11 күннэригэр Н.Д.Неустроев аатынан Дьокуускай куорат ситимин Smart бибилэтиэкэтигэр Чурапчытааҕы киин бибилэтиэкэ бибилэтиэкэрдэрэ киирэн стажировкаланнылар.
Ахсынньы 10 күнүгэр Чурапчы улууһун үөрэҕин салалтатын исписэлииһэ, Саха Өрөспүүбүлүкэтин үөрэҕириитин туйгуна, РФ уопсай үөрэхтээһинин бочуоттаах үлэһитэ Екатерина Хоютанова хомуйан оҥорбут «Чурапчы пионерскай тэрилтэтин историята 1925-2025» саҥа кинигэтин сүрэхтэниитэ буолла.
Ахсынньы 11, 12 күннэригэр С.А.Новгородов аатынан Чурапчы орто оскуолатын 9г уонна 10 кылаастарын үөрэнээччилэригэр “Г.Д.Протодьяконов – герой Артиллерист» туһунан уруоктар ыытылыннылар. Ааҕааччын кытта үлэлиир салаа бибилэтиэкэр А.П.Капрынова уруогу ыытта.
Ахсынньы 12 күнүгэр И.Н.Винокуров аатынан «Айылгы» норуот айымньытын дьиэтигэр Улуустааҕы “Ыал саргыта” бырайыак түмүктүүр биэчэригэр киин бибилэтиэкэ сыл тухары ыыппыт «Ааҕар саха сайдам ыала» үлэтин түмүгэ таҕыста: 1 миэстэни Чурапчы нэһилиэгиттэн Винокуровтар, 2 миэстэни Мугудай нэһилиэгиттэн Ивановтар, 3 миэстэни Мырылаттан Николаевтар дьиэ кэргэттэрэ ыллылар. Ону сэргэ ааҕар дьиэ кэргэттэргэ анал ааттар “Ааҕыыга айар сыһыан” Болтоҥоттон Оконешниковтар, «Айымньынан дьүһүйүү» Кытаанахтан Борисовтар, «Аааҕыыга сыһыарыы уопута» Одьулуунтан Седалищевтар дьиэ кэргэттэригэр туттарылыннылар. Кыайыылаахтар «Айар» кинигэ кыһатыттан 5000 с. сууммалаах сертификатынан наҕараадаланнылар.
Бу күн «Айылгы» дьиэтигэр «Кинигэни доҕор оҥостон» диэн кыайыылаах Винокуровтар дьиэ кэргэттэрин 2025 сыл устата аахпыт кинигэлэрин быыстапката турда. Онно дьиэ кэргэнинэн бибилэтиэкэттэн уларсан аахпыт кинигэлэрэ, формулярдара, аахпыттан оҥорбут уруһуйдара уонна аахпыт кинигэлэриттэн оҥорбут викториналара дьон интэриэһин тарта. Бу дьиэ кэргэн сылга ортотунан 60 тахса кинигэни аахпыттар.
Ахсынньы 12 күнүгэр киин бибилэтиэкэҕэ Ньурба улууһун музейын үлэһиттэрэ ыалдьыттаатылар, бибилэтиэкэни кытта билистилэр.
