Кулун тутар 4 күнүгэр «Ай, Тут, Оҥор» диэн Чурапчытааҕы кииннэммит библиотечнай ситим үлэһиттэрин айар талааннарын, дьикти дьарыктарын көрдөрөр быыстапка арылынна. Быыстапканы дьон-сэргэ сэҥээрдэ элбэх киһи кэлэн сөҕөн-махтайан бардылар.

Кулун тутар 6 күнүгэр Аан дойду суруйааччыларын күнүгэр аналлаах Чурапчы литературнай түмсүүтүн чилиэннэригэр «Таптаан ааҕар хоһооннорум» диэн хоһоон ааҕыыта буолла. А.Е.Кулаковскай төрөөбүтэ 105 сылыгар аналлаах А.С.Николаев 2022 сыл ыам ыйын 25 күнүнээҕи уурааҕынан 2023-2025 сылларга ыытыллар поэтическэй марафону А.Е.Кулаковскай хоһооннорунан аахтылар. Ол курдук «Ырыаһыт», «Саха дьахталларын мэтриэттэрэ», «Байанай алгыһа», “Хомус» «Ойуун түүлэ» поэматтан уонна да атын хоһооннорун түмсүү дьоно сөбүлээн ааҕалларын биллэрдилэр. Хоһоону аахтылар: И.И.Алексеев – бэйэтэ айбыт хоһооно «Хоһоон айыллар иэйииттэн», Сандаар күн Сандаара- Сулус кыыһа – М.Цветаева «Мне нравится что вы больны не мною», С.И.Попова – С.Данилов «Сахам саҥата», М.Н.Тимофеева – Өксөкүлээх Өлөксөй «Ортоку олук алгыһа», Н.Е.Сергеева – Аана кыыһа – С.Данилов «Мой русский язык», И.И.Попов – Байдам – И.Арбита хоһоонноруттан, Е.И. Попова – В.Потапова – «Хахыйах», Р.И.Корякина – Хотууна – Дьуон Дьаҥылы – “Аһыммаккын, таптаабаккын…”, А.К.Миронова – бэйэтин айбыт хоһооно, М.Н. Кузьмина – Л.Горохова – Сүүмэх – «Кэнээски кэрэһитэ».

Нэдиэлэтээҕи “Үүн сайын” медиалабораторияҕа «КОМПас» уонна «Волшебные кисточки» үлэлэрэ салҕанар.

Ол курдук нэдиэлэ устата киин бибилэтиэкэҕэ 234 ааҕааччы сылдьан кинигэ уларсан, хаһыат сурунаал ааҕан, араас тэрээһиннэргэ кытыннылар.