Е.А.Борисов аатынан киин бибилэтиэкэ нэдиэлэтээҕи сонуннара
Муус устар ый 1 күнүгэр киин бибилэтиэкэҕэ Чурапчытааҕы библиотечнай ситим Алаҕардааҕы модельнай бибилэтиэкэтин сэбиэдиссэйэ С. Е. Протодьяконова салайар куруһуогун чилиэннэрин үлэлэрин быыстапката турда. Олус интэриэһинэй туспа истиллээх, киһини толкуйдатар үлэлэр.
Муус устар 1 күнүгэр И.М.Павлов аатынан Чурапчытааҕы орто оскуолатын 7,8,9,10,11 кылаастарын оҕолоругар «Аан дойду көтөрдөрүн» күнүгэр анаан «Саха сирин көтөрдөрө — айылҕа дьиктилэрэ» оҕолорго Саха сирин көтөр кынаттаахтарын арааһын билиһиннэрии, экологическай суолталарын, көтөрдөр айылҕа экосистематын тупсарааччылара буолалларын уонна кыһыл кинигэҕэ киирбит аҕыйах ахсааннаах көтөрдөргө харыстабыллаах сыһыаны өйдөтүү уруоктар ыытылыннылар.
Муус устар 2 күнүгэр улуус дьаһалтатын дьиэтигэр Саха АССР норуотун хаһаайыстыбатын үтүөлээх үлэһитэ, «Гражданскай килбиэн» анал хаһаайына, СӨ бочуоттаах ытык кырдьаҕаһа, Чурапчы улууһун уонна элбэх нэһилиэк бочуоттаах гражданина, «Эрилик Эристиин» уонна «Мугудай» сопхуостар дириэктэрдэрэ Семен Иванович Сергеев үбүлүөйдээх 90 сааһынан истиҥ көрсүһүү буолла. Тэрээһиҥҥэ «Тыа сирин сайдыытыгар анаммыт олох» кинигэ быыстапката турда.
Муус устар 2 күнүгэр киин бибилэтиэкэ саалатыгар Саха сирин хомсомуола төрүттэммитэ 105 сылыгар аналлаах дьаһал «Комсомуол күннэрим күлүм-чаҕыл күннэрим» диэн комсомольскай мунньах быһыытынан барда. Тэрээһин 6 түһүмэҕинэн ыытылынна. Ол курдук: «Аргыс» агитбригада эҕэрдэтэ, «Арай биирдэ» интервью, «Комсомол омоон суолларынан диэн биктэриинэ, «Комсомол саастарым умнуллубат туоҺулара» коллекция быыстапка, «Ырыа — комсомол сылларым үтүө аргыһа» устун айан. Комсомол үөрүүлээх мунньаҕа эдэр сааспыт «Краковяк», «Тустеп», умнуллубат үҥкүүлэринэн түмүктэннэ.
