Тохсунньу 20 күнүгэр П.И.Борисова аатынан Чурапчытааҕы “Улыбка” оҕо уһуйаанын үлэһиттэригэр “Каллиграфическай буочар” диэн кыраһыабай буочары талыы куонкуруһа буолла.  Эрдэ киин бибилэтиэкэҕэ буолан ааспыт тэрээһини сэргээн, тэрилтэҕэ ыҥыран бэйэлэрин тургутунан көрдүлэр. Маннык тэрээһин олохтоох нэһилиэнньэ интэриэһин тардарын көрдөрдө.

Бу күн Мугудай орто оскуолатын 5-с кылааһын үөрэнээччилэрэ учууталларын кытта Е.А.Борисов архыып бибилэтиэкэтигэр экскурциялаатылар. Бу отдел кинигэтин фондатыттан сэдэх кинигэлэри билистилэр.

Тохсунньу 21 күнүгэр  Чурапчытааҕы агарнай-техническай колледж устудьуоннара бибилэтиэкэни билистилэр. Инникитин сибээстээхтик үлэлэһэргэ сүбэлэстилэр.

Тохсунньу 22 күнүгэр Чурапчытааҕы аграрнай-техническай колледжка устудьуоннарга «Мифы и правда об алкоголизме» диэн тиэмэлээх кэпсэтии уруогун киин бибилэтиэкэ ааҕар саалатын бибилэтиэкэрэ А.П.Капрынова ыытта.

Бу күн бибилэтиэкэҕэ Уус-алдан коллекционердарын делегацията ыалдьыттаата.

Тохсунньу 23 күнүгэр Семен Семенович уонна Ульяна Пантелеймоновна Морфуновтар үйэ аҥарыттан ордук бииргэ олорбут дьоһун-мааны дьиэ кэргэннэрин сырдатар уонна аҕа баһылыктара   үбүлүөйдээх 75 сааһынан «Чөл олохтоох, дьоллоох ыал» диэн иһирэх көрсүһүү биэчэргэ үгүс киһи мустан эҕэрдэлэрин, үтүө баҕа санааларын тиэртилэр. 

Тохсунньу 24 күнүгэр ыччат киинин дьиэтигэр Чурапчытааҕы спорт институтун уонна аграрнай-техническай колледж устудьуоннарыгар «День студента»  күнүн бэлиэтээтилэр. Бу тэрээһиҥҥэ киин бибилэтиэкэ бибилэтиэкэрдэрэ А.П.Капрынова, В.Е.Маркова квест оонньуу тэрийдилэр. Ыччаттар көхтөөхтүк кытыннылар.

Бу нэдиэлэттэн Е.А.Борисов бибилэтиэкэтин көҕүлээһининэн ааҕааччылары тардар, ааҕыыны сайыннарар сыаллаах Чурапчы-Хатылы хайысханан рейсовай автобуска «Читающий автобус» диэн бырайыак үлэтин саҕалаата. Инникитин бу бырайыагы бибилэтиэкэни кытта сибээстэһэн атын хайысаханан сылдьар автобустар эмиэ өйүүллэригэр ыҥырабыт.