Доруобуйа – сыаната биллибэт модун баай

Баайтан эрэ улахан баай

Баар эбит чэбдик эт-хаан.

Биирдэ эмит сыыстар арай

Бүдүрүйэҕин сылы сыллаан.

Ыарыһах, арҕана киһи олоҕо –

Ылымматах ырыа тобоҕо.

Туохха дьулуһаргын сороҕор

Толорботуҥ муҥ – кыһалҕа.

Алмааска, көмүскэ даҕаны

Атыыласпаккын чэбдик эти-хааны,

Доруобуйа курдук сүдү баайы

Харыстыахха күнүн аайы!

Чэбдик киһи булуо тапталы,

Олоххо үгүс кэрэ тылы.

Кини үрдүккэ да көтүөҕэ,

Сир сиксигэр да тиийиэҕэ. (Иван Федосеев- Доосо)