Дорофеев Аркадий Максимович — Улдьаа Харалы

Кинигэҕэ суруйааччы «Бүтүн оҥоруулаах киһи», «Олоххо киирбит номох»,»Ырыалаах олоҥхо кэнниттэн» диэн сэһэннэрэ уонна кэпсээннэрэ киирдилэр.

Урааннаах уһун кыһыннаах, тоһуттар томороон тымныылаах дойдуга айыы сүөһүтүн ииттэн айаҕы көрүнүү ыарахан этэ. Тиийбэт тирии, тарпат тараһа олохтоох төрүттэрбит бас-көс дьоннорун мындыр өйдөрүнэн, сатабыллаах дьаһалларынан, хардарыта өйөнсөр үтүө майгыларынан ол ыарахан кэмнэри этэҥҥэ туораабыттара.

Уһун курааннар, номоххо киирбит уу суттара, киһини хара быарынан халыҥ хаардаах кыһыннар, аан дойдуну хам тоҥоруох чучураан тымныылар кинилэр модун санааларын булгуруппатахтара, олоххо тардыһыыларын уҕарыппатахтара. Күчүмэҕэй кэмнэргэ сарын санныларыттан өйөһөн, тарбах тарбахтарыттан тардыһан, өбүгэлэрбит олоҕу салҕаан испиттэрэ. Ол иһин күн бүгүн биһиги, сахалар, баарбыт. Ону тэҥэ иэгэйэр икки атахтааҕы долгуппут, киһи-хара оҥорбут улуу таптал ол былыргы кэмнэртэн баара.
Устан ааспыт олох быыһын сэгэтэн, ааптар бэрт итэҕэтиилээхтик, уустаан-ураннаан суруйбутун ааҕыаххыт.