Сэтинньи 11 күнүгэр Е.А.Борисов аатынан киин бибилэтиэкэҕэ Чурапчы оскуолаларын 10-с кылааһын үөрэнээччилэрэ «Дьоһуннааҕы кэпсэтии» программа чэрчитинэн  «Чиэһинэй быһыы – сайдыыга кылаат» диэн тиэмэҕэ улуус баһылыга С.А.Саргыдаевы кытта көрүстүлэр. С.А.Саргыдаев оҕолору кытта аһаҕастык кэпсэтэн, тустаах боппуруостарга эппиэттээн бэрт интэриэһинэй көрсүһүү буолла. Оҕолор бары да сүрдээх көхтөөхтүк кытыннылар, бэйэлэрин санааларын аһаҕастык үллэһиннилэр. “Дьоһуннааҕы кэпсэтии” оҕолору  иитиигэ-үөрэтиигэ бары өттүнэн наадалаах уонна улахан суолталаах буолара, инникитин салгыы ыытыллара биһирэнэр.