От ыйын 8 күнэ — Арассыыйаҕа дьиэ кэргэн, таптал уонна бэриниилээх буолуу күнэ. Сырдык, кэрэ бэлиэ күн  2008 сылтан  бэлиэтэнэр.  Киһиэхэ саамай күндү баайа — дьиэ кэргэнэ. Хас биирдии киһи сиргэ төрөөн ийэ-аҕа уостубат  тапталын билэн,  алаһа дьиэ тэринэн,  төрүүр оҕону төлкөлөөн,  удьуору тэнитэн,  сирдээҕи  дьолу билэбит.

      Көлүөнэ быстыспат ситимэ хас биирдии дьиэ кэргэҥҥэ  ураты  суолталаах. Онуоха киһиэхэ барытыгар төрүттэрин, аймах-уруу дьонун билии, кинилэр олорбут олохторун үөрэтии олус наадалаах уонна туһалаах. Улуустааҕы киин библиотека электроннай библиотекатыгар “Чурапчы улууһун дьиэ кэргэттэрэ” балаһаҕа киирбит улууспут араас нэһилиэктэригэр олорор дьиэ кэргэттэр, кинилэр олохторун  туһунан оҕолоро, аймахтара дьоҥҥо-сэргэҕэ  сырдатан  суруйан, үйэтитэн таһаарбыт  кинигэлэрин  билсиҥ, ааҕыҥ, сэргээҥ!  

 Электроннай балаһа сигэтэ: Чурапчинская межпоселенческая централизованная библиотечная система | Семьи Чурапчинского улуса (muzkult.ru)