Арылахская библиотека № 3
 |
Заведующая — Попова Валентина Михайловна Образование — среднее специальное e-mail: popovavalentina376@gmail.com |
Бастакы библиотека Хайахсыт Николаевскай таҥаратын дьиэтиттэн саҕаламмыта биллэр. Онно сүнньүнэн танара улэһиттэригэр анаммыт кинигэлэри,сурунааллары мунньан туһаммыттара. СР.Национальнай архыыбыгар баар докумуоннарга бэлиэтэммитинэн, ол библиотекаҕа 1919 с. диэри 758 кинигэлэр,сурунааллар,олор истэригэр церковнай-приходской оскуолаҕа аналлаах үөрэх кинигэлэрэ бааллара. Ити библиотека фондата сэбиэскэй кэмҥэ ыһыллыбыта.1930 с.Арыылаах таҥаратын дьиэтигэр аан бастакынан Ааҕар балаҕан аһыллыбыта. Онно сэбиэдиссэйинэн Иван Егорович Барашков -Комсомол Иван буолан эрчимнээхтик саҕалаабыта. Аҕыйах киьилээх бөһүөлэк ыалларын дьонун мунньан кинигэни, хаһыакка тахсыбыт сонуннары дорҕоонноох ааҕыынан билиһиннэрэллэрэ. 1955с. ылата кулууп иһинэн кыракый библиотека аһыллан улэлээбитэ.Бастакы библиотекарынан Карсанаева Анна Терентьевна 1958 с.улэлээбитэ. Кини Дьокуускайдааҕы культпросвет училище библиотекаҕа салаатын үөрэнэн бүтэрбитэ. Бу библиотекаҕа 1971 с. диэри үлэлии сылдьыбыттара: Барашков Иван Дмитрьевич, Попова Ирина Иннокентьевна, Иванов Михаил Иннокентьевич, Барашкова Мотрена Ильинична, Попова Полина Петровна, Барашков Николай Герасимович.
1972с. Арыылаах сельскай библиотекатынан ааттанан туһунан штат көруллубутэ. Онно босхоломмут библиотекарынан Попова Акулина Михайловна анаммыта. 1977с. библиотека кииннэммит биир систиэмэ5э киллэриллэн 3 нүөмэрдээх салаа (филиал) буолбута. Оччолорго нэһилиэнньэ ахсаанынан уонна кинигэ фондатынан тыыран биэс тус-туһунан бөлөххө араараллара. Арыылаах библиотеката ол быһыытынан иккис бөлөххө киирэрэ уонна социалистическай куоталаһыыга бастаан бочуотунай грамоталарынан наҕараадаламмыта, бэлэхтэринэн бэлиэтэммитэ.Ол эрээри библиотека анал дьиэтэ суоҕа, онон ардыгар библиотекарь бэйэтин чааһынай дьиэтигэр улэлиир түгэннэрдээҕэ.1984-2016с. “Саха Республикатын туйгуна” Попова Евдокия Матвеевна үлэлээбитэ. 2016с. библиотекарынан Попова Валентина Михайловна улэлиир.