Алагарская сельская модельная библиотека № 2

Сэбиэдиссэй —  Екатерина Ивановна Попова Үөрэҕэ: үрдүк, профессиональнай. М.К.Аммосов аатынан СГУ СФКФ СС Филолог. Преподаватель. 2005 г. Москватааҕы  Государственнай администрирование института. ЮФ. Юрист. 2012с. ГБУ РС(Я)«Ресурсно-проектный Центр». Библиотечно-информационная деятельность. 2017г. e-mail: biblekat@mail.ru

Ала5ар нэһилиэгэ 1710 сыллаахха төрүттэммитэ.

            Киинэ: Чыаппара бөһ.

            Күн бүгүн 734 киһи олохсуйан олорор.

            Улуус кииниттэн Чурапчыттан 82 км ыраах сытар

            Алаҕар нэһилиэгин киэн туттар дьонунан буолаллар:

Г.В.Баишев – Алтан Сарын, саха бастакы үөрэхтээҕэ, лингвист- учуонай.

Г.Д.Протодьяконов – Аатырбыт артиллерист.

А.П.Лыткина – Саха ырыатын аан-маҥнай кыраныысса таһыгар таһаарбыт Саха Күөрэгэйэ.

            1939 сыллаахха балаҕан ыйын 3 күнүгэр РОНО сэбиэдиссэйин Р.С.Дьячковскай бирикээһинэн, Василий Федоров диэн киһи ананан кэлэн нэһилиэккэ бастакы ааҕар балаҕан төрүттэммит.

            50-с сыллартан саҕалаан оройуон үрдүнэн библиотеканы сайыннарыы үлэлэрэ маассабайдык ыытыллыбыттара. Бу кэмҥэ  нэһилиэктэргэ библиотекалар үлэлэрэ-хамнастара сайдыбыта.

Алаҕарга библиотекаҕа үлэлээн ааспыттара:

В. Федоров

А.Д. Дьячковская

М… Протодьяконова,

Л.Н. Катакинова,

П.Н. Протодьяконова,

В.В. Протодьяконова,

И.А. Нелтанова,

А.Е. Аргунова,

А.Д. Попова

   2018 сыллаахха Алаҕар нэһилиэгин библиотеката модельнай библиотека статуһун ылан, саҥа техниканан хааччылынна. Ааҕааччы библиотекаҕа кэлэн, информацияны толору ылар кыаҕа күүһүрдэ.

   Библиотека үлэтин сүрүн хайысхатынан краеведение буолар. Ол курдук олохтоох историяны, норуоттан тахсыбыт талааннаах дьоммут үтүө ааттарын үйэтитэргэ киэҥ далааһыннаах үлэлэр тиһигин быспакка ыытыллаллар. Ону таһынан нэһилиэк туһунан араас хабааннаах кинигэлэр күн сирин көрөллөрүгэр библиотека күүс-көмө, тирэх буолар. Ол курдук, В.М.Тимофеев туһунан «Бэйэтин кыаҕынан кынаттанан” кинигэ тахсарыгар, 2020 сылга Чыаппартааҕы Эр дьон народнай хора тэриллибитэ 25 сылыгар тахсыахтаах саҥа кинигэҕэ үлэ күөстүү оргуйар.

 Библиотека нэһилиэк бары тэрилтэлэрин, общевтеннай тэриллиилэри кытта ыкса ситимнээхтик үлэни тэрийэр. Араас темаҕа биэчэрдэри, аһаҕас кэпсэтиилэри, төгүрүк остуоллары, көрсүһүүлэри, уруоктар, кинигэ презентациялара үрдүк таһымҥа ыытыллаллар.

   Үгэскэ кубулуйбут тэрээһиннэринэн буолаллар, Муус устар 27 күнүгэр нэһилиэккэ ТОК-оонньуу. Манна үбүлүөйдээх суруйааччыларга аналлаах хамаандалар икки ардыларыгар күөн күрэс, өй киирсиитэ ыытыллар. Бу кун оскуола үөрэнээччилэрэ баһылыгы кытта  нэһилиэк олоҕун-дьаһаҕын, стратегиятын атах тэпсэн олорон кэпсэтэллэр, ырытыһаллар. Эр дьоҥҥо анаан, Байанай күнэ хаһыс да сылын араас хабааннаахтык ыытыллар. Библиотека иһигэр темаларынан уларыйа турар быыстапкалар, иһитиннэриилэр мэлдьи информацияны көрөн тиэрдиигэ туһаайыллаллар. Тас еттугэр информационнай панельга виртуальнай быыстапкалар, нэһилиэк олоҕун сырдатар хаартысканан слайдалар, концертар көрдөрүллэллэр.

    Онон, библиотека нэһилиэккэ бары өттүнэн информацияны тиэрдэргэ туһааннаах техниканан хааччыллан, үлэтэ-хамнаһа сэргэхтик барар.