Улуустааҕы киин библиотекаҕа алтынньы 21 күнүгэр  биир дойдулаахпыт,  сахалартан бастакы Социалистическай Үлэ Геройа, сылгыһыт  Роман Иннокентьевич Константинов төрөөбүтэ 125 сылыгар аналлаах «Чулуу сылгыһыт үтүө суолунан» көрсүһүү буолан ааста. Тэрээһин куйаар ситиминэн ыытылынна. Р.И.Константинов аатын сүгэр Амма орто оскуолатын директора Пермякова Виктория Ивановна оскуола иитэр-үөрэтэр үлэтин, олоҕун – дьаһаҕын уонна  Герой сылгыһыкка анаммыт  убулуөйдээх тэрээһиннэр  тустарынан сырдатта. Саха тылын учуутала Васильева Александра Николаевна  Роман Иннокентьевичка анаммыт краеведческай музей улэтин билиһиннэрдэ. Көрсүһүүгэ чулуу сылгыһыт чугас аймаҕа Хоптоҕо нэһилиэгин олохтооҕо үлэ бэтэрээнэ, элбэх оҕолоох ийэ Васильева Фекла Степановна таайын Р.И.Константинов  туһунан иһирэхтик кэпсээтэ. Чулуу сылгыһыт суолун салҕааччылар, туйах хатарааччылар улууска улэлии сылдьар сылгы иитиитинэн дьарыктанар бааһынай хаһаайыстыбалар кыттыыны ыллылар. Кэпсэтиигэ Чурапчытааҕы аграрно-техническай колледж студеннара кыттыыны ылан  элбэҕи, туһалааҕы биллилэр. Тыа хаһаайыстыбатын салаатыгар үлэлиир  Болтоҥо нэһилиэгин   специалиһа Картузов Яков Яковлевич сылгы иитиитинэн дьарыктанар дьоҥҥо судаарыстыба өттүттэн көмөлөрү, граннары  билиһиннэрдэ. Тэрээһин кыттыылаахтара   республика, улуус хаһыаттарыгар тыа хаһаайыстыбатын  туһунан үгүстүк сырдатан суруйар Россия Суруналыыстарын сойууһун чилиэнэ, араас хаһаайыстыбаннай салайар үлэҕэ үлэлээбит  Иван Петрович Пономарев сылгы иитиигэр бэйэтин көрүүлэрин, сүбэлэрин иһиттилэр. Бахсы нэһилиэгиттэн уран тарбахтаах иистэнньэҥ  Окоемова Александара Крисьяновна  сиэлтэн оноһуктарын, сиэдэрэй кыл сэлээппэлэрин кердерен  дьон сэҥээритин  ылла.   Арыылаах нэһилиэгиттэн сылгы бааһынай хаһаайыстыбалаах Попов Николай Иванович хаһаайыстыбатын үлэтин, сылгыны көрүүгэ –харайыыга бэйэтин уоппутун кэпсээтэ.  «Дьөһөгөй оҕото – сылгы» кинигэ быыстапкатыгар  турбут кинигэлэри библиотека ааҕааччыны кытта үлэлиир отдел библиотекара Захарова Матрена Николаевна сырдатта.

«Чулуу сылгыһыт үтүө суолунан» —  Zoom-запись