Чурапчы

                  Елена Чепалова

Сардаҥалыын сандаарар,

Күлүмүрдэс кэрэ ньуурдаах,

Киэҥ нэлэмэн Эбэккэм

Дьэрэлийэ уста тур.

Нарын кыыс кэриэтэ

Хатыҥнаах чараҥнаах,

Чурапчы, Чурапчы

Үтүөкэн мин дойдум.

Сырдыгынан сыдьаайар

Кэрэҕэ мэлдьи уһуйар,

Элэккэй үлэһит дьоннордоох,

Аламаҕай ыччаттардаах.

Чэлгийэ чэчириир

Күннэтэ күн тупсар,

Чурапчы, Чурапчы

Чугдаарар  мин дойдум.

Бүгүн эмиэ сарыалтан

Салалынна саҥа күн,

Ыраахтан дьиэрэйэн иһиллэр

Кэскилбит кэрэ ырыата.

Үүнэ тур, сайда тур

Үйэттэн үйэҕэ!

Чурапчы, Чурапчы

Тапталлаах мин дойдум!

Хатыҥнардаах-чараҥнардаах, тоҕус томтордоох Чурапчы улууһа кулун тутар 25 күнүгэр 1930 сыллаахха тэриллибитэ. Быйыл улууспут тэриллибитэ 95 сылын бэлиэтиибит. Чурапчы улууһа  дириҥ, баай историялаах Саха сирин киин улуустарыттан биирдэстэрэ. Чурапчы буоруттан саха омук сайдыытыгар дьоһун кылааты киллэрбит киэн туттар  биир дойдулаахтарбыт, общественнай политическэй деятеллэр, салайааччылар, учуонайдар, талааннаах суруйааччылар, артыыстар, худуоһунньуктар, учууталлар,  чулуу спортсменнар үүнэн-үрдээн тахсыбыттара.

                                 Чурапчы улууһун историятын сырдатар, кэрэһэлиир кинигэлэри электроннай балаһаҕа билсиҥ, ааҕыҥ! МБУ  «Чурапчинская межпоселенческая централизованная библиотечная система» | Чурапчинская электронная библиотека

Бэлиэ күҥҥэ анаммыт «Мин дойдум-Чурапчы» тургутукка кыттан улууспут историятын, буолан ааспыт кэрэ-бэлиэ түгэннэри, биллиилээх биир дойдулаахтарбыт туһунан төһө билэргитин холонон көрүҥ!