Кулун тутар 3 күнүгэр «Айылгы» культура киинигэр культура, искусство эйгэтигэр сыллата туттарыллар «Чолбон» премияны иӊэрии үөрүүлээх тэрээһинэ биир идэлээхтэри, ветеран үлэһиттэри, ыӊырыылаах ыалдьыттары муста. Үөрүүлээх чааска «Чурапчы улууһа (оройуона)» МТ баһылыга Ноговицын А.Т.,  нэһилиэк баһылыктара, культура управлениетын салайааччыта Дмитрий Попов эҕэрдэлээтилэр, элбэх үлэһиккэ наҕараада туттартаатылар. Библиотечнай киин үлэһитэ- Хадаар модельнай библиотекатын сэбиэдиссэйэ Ноговицына Л.Н. «Библиотека эйгэтигэр» бастыҥ буолан «Чолбон» бириэмийэ номинация хаһаайката буолла. Культура управлениетын Бочуотунай грамотатынан Е.Д. Догордуров аатынан Хатылытааҕы  модельнай библиотека сэбиэдиссэйэ Попова А.П.,культура управлениетын Махтал суруктарынан Одьулууннааҕы модельнай библиотека сэбиэдиссэйэ Григорьева Т.П., Хайахсыттааҕы библиотека сэбиэдиссэйэ Аржакова Л.П. наҕараадаланнылар. Улуустааҕы кииннэммит библиотечнай ситим правовой информация киинин сэбиэдиссэйэ Аммосова Н.Н. «СР культуратын туйгуна» бочуоттаах знагынан наҕараадаланна. Күн бастакы аҥарыгар ыытыллыбыт культура үлэһиттэрин профсоюһун отчуоттуур-быыбардыыр мунньаҕар профсоюз үлэтигэр активнай кыттыыларын иһин библиотечнай ситим профкомун чилиэттэрэ Капитонова И.Г., Эверстова О.Г. профсоюз рескомун Бочуотунай грамоталарын реском председателэ Самсонова А.И. илиититтэн туттулар.

Бары наҕараадаламмыт коллегаларбытын эҕэрдэлиибит, инникитин өссө үрдүк ситиһиилэри баҕарабыт.