Балаҕан ыйын 16 күнүгэр биһиги нэһилиэккэ гражданскай уонна Аҕа дойду улуу сэриитин кыттыылааҕа Платонов Власий Кузьмич төрөөбүтэ 130 сылыгар аналлаах ахтыы киэһэтэ буолан ааста.

Власий Кузьмич 1894 сыллаахха I Чакыр нэһилиэгэр төрөөбүтэ. 1921-1923 сс. Субуруускай, кэлин Кеша Алексеев этэрээттэригэр сылдьыбыта, хас да төгүл кыргыһыыларга кыттыбыта. Ол туһунан Саха АССР КСК –н 1932 с. кулун тутар 10 күнүнээҕи уурааҕынан бэриллибит 2148 № -дээх партизанскай дастабырыанньата туоһулуур.

Аҕа дойду сэриитэ саҕаламмытыгар 1942 с.аармыйаҕа ыҥырыллыбыта. Забайкальскай байыаннай уокурукка идэтинэн байыаннай эбийиэктэри тутууга үлэлээн баран 1945 с. Төрөөбүт нэһилиэгэр кэлэн, Солотов аатынан холкуоска 11 сыл устата тутууга маастар – болуотунньугунан үлэлээбитэ.

Ахтыы киэһэҕэ нэһилиэк кырдьаҕас олохтооҕо Сергеева А.И., кыраайы үөрэтээччи Филиппова М.Е., нэһилиэк баһылыгын солбуйааччы Алексеев И.Н.кыттыыны ыллылар.

            Балаҕан ыйын 19 күнүгэр Хоту Көһөрүллүү 82 – сылыгар аналлаах тэрээһин ыытылынна. Тэрээһини  оскуолаҕа директоры иитии үлэтигэр солбуйааччы Матвеева М.А. ыытта. Олохтоох библиотека сэбиэдиссэйэ Михайлова С.Р. Көһөрүллүү туһунан кинигэлэри, айымньылары билиһиннэрдэ. Оскуола директора Неустроева А.В. тыл эттэ. Социальнай педагог Адамова Т.И. ийэтин, көһөрүллүү кыттыылааҕа Дьяконова М.С. туһунан ахтыы оҥордо.

Күн – дьыл аастаҕын аайы, аҕам саастаах дьоммут, Хоту Көһөрүллүү кыттылаахтара, аҕыйаан иһэллэр. Биһиги нэһилиэк Көһөрүү ыар тыынын билбэтэх да буоллар, атын сирдэртэн көһүспүт 9 киһи баарыттан билигин соҕотох Филиппова Агафья Афанасьевна баар.

Чурапчы алдьархайа хатыламматын, үйэлэргэ умнуллубатын!

Тэрээһин кэриэстэбил чүмэчи уматыытынан түмүктэннэ

            Балаҕан ыйын 19 күнүгэр Хоту Көһөрүллүү 82 – сылыгар аналлаах тэрээһин ыытылынна. Тэрээһини  оскуолаҕа директоры иитии үлэтигэр солбуйааччы Матвеева М.А. ыытта. Олохтоох библиотека сэбиэдиссэйэ Михайлова С.Р. Көһөрүллүү туһунан кинигэлэри, айымньылары билиһиннэрдэ. Оскуола директора Неустроева А.В. тыл эттэ. Социальнай педагог Адамова Т.И. ийэтин, көһөрүллүү кыттыылааҕа Дьяконова М.С. туһунан ахтыы оҥордо.

Күн – дьыл аастаҕын аайы, аҕам саастаах дьоммут, Хоту Көһөрүллүү кыттылаахтара, аҕыйаан иһэллэр. Биһиги нэһилиэк Көһөрүү ыар тыынын билбэтэх да буоллар, атын сирдэртэн көһүспүт 9 киһи баарыттан билигин соҕотох Филиппова Агафья Афанасьевна баар.

Чурапчы алдьархайа хатыламматын, үйэлэргэ умнуллубатын!

Тэрээһин кэриэстэбил чүмэчи уматыытынан түмүктэннэ.