Билии, үөрэх – бараммат баай.
- Киһи көхсүгэр көстө сылдьар кыната суох. Кини сытыы кыната – өйүн, сүрэҕин инники дьулуһуута.
- Күүстээх дьон буоларга тардыһыҥ, күүһү билии, үөрэх биэрэрин умнумаҥ. (Амма Аччыгыйа).
- Үөрэх, билии суоҕуттан ордук икки атахтаахха туох ночоот, сор, түҥнэри кыраныы баар буолуой?
- Киһи санаатын ырааһа халлаан өҥүнээҕэр сырдык, киһи өйүн сытыыта күн уотунааҕар сытыы, киһи күүһэ уу күүһүнээҕэр ордук. (Суорун Омоллоон).
- Симээ сэмэй дууһаҕын
Сир симэҕинэн,
Байыт үтүө, улахан
Өй мичилинэн. (Семен Данилов).
- Киһи тугу барытын билэр буоллаҕына, айылҕа бары кистэлэҥнэрин барытын баһылаатаҕына – оччоҕо киһи күүһэ өссө дьиктитийиэ, кини дьоло өссө толору барҕарыа. (Софрон Данилов).
- Үөрэнэр – үрдүк дьол күндэлэс көҥүлэ, үөрэнэр – бу герой айанныыр аартыга, үөрэнэр – үйэбит сүрэҕин сырдыга, үөрэнэр кэрэтиэн! (Тимофей Сметанин).
- Бэйэтэ дьулуспат, иҥэн-тоҥон, үөрэнэ-үүнэ сатаабат, ол эрэйин улахаҥҥа уурар киһи сайдыбат. (Николай Лугинов).
- Сахаларга өтүү өрүллүбүтүнэн бөҕө, баайыыттан саамай үчүгэй туомтааһын баайыы буоларын кэриэтэ, киһиэхэ билии-көрүү буоллаҕа дии. (Василий Протодьяконов- Кулантай).
- Киһи киһиэхэ тэҥнэспэт сиэринэн, дьон өйө хаһан да биир буолбат. Татым өйдөөх киһи хараҕа көрөрүн-билэрин алаадьы курдук эргитэ буһаран, илдьиритэн, түгэҕэр тиийэ түөрэн кэскиллээҕи тобулар. (Р.И.Бравина).
- Киһи үөрэҕи-билиини үйэтин тухары мунньунар. Ол эрэн үөрэҕи ылынар кэмэ – эдэр-сэнэх эрдэҕинэ. (Мандар Уус).