“Белая трость” диэн доруобуйаларынан хааччахтаах дьоҥҥо аналлаах декада чэрчитинэн алтынньы 28 күнүгэр Е.А.Борисов аатынан киин бибилэтиэкэҕэ истиҥ тэрээһин буолан ааста. “Чурапчы улууһа” муниципальнай оройуон баһылыгын социальнай боппуруостарга солбуйааччы Мария Филипповна Кронникова, Улуустааҕы көрбөттөр уопсастыбаларын бэрэссэдээтэлэ Василий Иванович Пономарев, адаптивнай спорт салайааччыта Иннокентий Константинович Матвеев кэлэн бэйэлэрин эҕэрдэлэрин тириэртилэр.Тэрээһин кэлбит дьону Е.А.Борисов архыып-бибилэтиэкэтин отделын билиһиннэрииттэн саҕаланна. Ону тэҥэ дьиэ кэргэҥҥэ элбэх өҥөнү оҥорор киин специалиһа Лукина Марианна Иннокентьевна туһалаах сүбэ-ама биэрдэ, Валентина Семеновна Поисеева эмтээх отторунан оҥоһуллубут маастарын, эмтэрин билиһиннэрдэ.  С.А.Новгородов аатынан Чурапчы орто оскуолатын физруга Егор  Егорович Куприянов  кэлбит ыалдьыттарга остуол оонньууларыгар күрэх ыытан сэргэхситтэ. Бибилэтиэкэ үлэһиттэрэ викторина таайтаран,  хоһоон ааҕыытыгар куонкурус тэрийэн бу түмсүү  кыттыылаахтарын сынньалаҥнарын өссө интэриэһинэй оҥордулар. Гаврил Павлов, Мария Пестерева ырыанан эҕэрдэлээтилэр.