Барашкова Анна Дмитриевна — Айылҕаана

Чурапчы улууһун Арыылаах олохтооҕо Анна Дмитриевна Барашкова төрүттэрин туһунан кинигэни оҕолоругар, сиэннэригэр анаан хомуйан оҥордо. Кини 1994 с. Хоһоонноро «Саҥа олох» хаһыакка, 2014с. «Чараҥ», 2016 с. «Үйэ», «Байанай» сурунаалларга бэчээттэммиттэрэ. Бастакы «Айылҕа кэрэтин харыстаан» кинигэтэ 2017 с. тахсыбыта. Иккис кинигэтэ аймахтарыгар, ааҕааччы киэҥ араҥатыгар ананар.

Хомуурунньукка Чурапчыттан төрүттээх Айылҕаана итэҕэтиилээх куолаһынан күн сиригэр таптал күүстээх илибиһин иҥэринэн, саҥаттан саҥа сардаҥалары тиһэн, олохтон дуоһуйууну туойбут хоһоонноро киирдилэр. Автор тыл алыбыгар ылларбыта, тыл күүһүгэр сүгүрүйбүтэ, сахалыы тыын илгийэрэ, айымньыларыттан сылаас сүүрээн биллэрэр кэрэһэлиир. Кинигэ ааҕааччы киэҥ араҥатыгар ананар.

Хомууурунньукка дьиҥ олох кэрэтин, олох сүмэтин таба көрөр дьоҕурдаах, өрүү кэрэҕэ тардыһыылаах, куруук күүрээннээх үлэҕэ умсулҕаннаах, бастыҥы барҕардар баҕалаах, үтүөнү үксэтэр ыралаах, уран тыл күүһүнэн уратытык хоһуйар, төрөөбүт ийэ тылын ойуччу тутар үс кинигэ ааптара Чурапчыттан төрүттээх Айылҕаана хоһоонноро киирдилэр. Кинигэ ааҕааччы киэҥ араҥатыгар ананар.

Чурапчы улууһун Арыылаах нэһилиэгиттэн төрүттээх элбэх оҕолоох дьиэ кэргэн амарах аҕа Барашков Иннокентий Иванович олоҕун, 2022 сыл от ыйыгар Анал байыаннай эпэрээссийэҕэ көҥүл өттүнэн туруммутун, Ийэ дойдутун көмүскэлигэр сырдык тыына быстыбытын туһунан ийэтин, бииргэ төрөөбүттэрин, аймахтарын, иитээччитин, учууталларын, оскуолаҕа бииргэ үөрэммит оҕолорун, доҕотторун, бойобуой табаарыстарын, рота командирын ахтыылара түмүлүннүлэр. Ийэтэ Анна Дмитрьевна Барашкова — Айылҕаана, олохтоох ааптар, «Чурапчы» литэрэтииринэй түмсүү чилиэнэ Анал байыаннай эпэрээссийэҕэ аналлаах уонна уолугар анабыл хоһоонноро киирдилэр. Ааҕааччы киэҥ араҥатыгар ананар.