Балаҕан ыйын 6 күнүгэр «Айылгы» норуот айымньытын дьиэтигэр СӨ тыатын хаһаайыстыбатын үтүөлээх үлэһитэ, «Гражданскай килбиэн» бэлиэ хаһаайына, Чурапчы улууһун Бочуоттаах олохтооҕо Иннокентий Николаевич Аммосов 75 сааһын туолбут үбүлүөйдээх тэрээһиннэрин чэрчитинэн олохтоох бэйэни салайыныыга туһуламмыт «Местное самоуправление: вчера, сегодня, завтра» диэн региональнай форум ыытылынна. Манна РФ сенатора Е.А.Борисов, Дьокуускайтан, ыаллыы сытар илин эҥэр улуустарыттан, Чурапчы улууһун иһиттэн ыҥырыылаах ыалдьыттар, нэһилиэк, улуус баһылыктара, тэрилтэ салайааччылара тоҕуоруһа муһуннулар.

Бу тэрээһиҥҥэ Улуустааҕы киин библиотека Иннокентий Николаевич Аммосовка аналлаах «БАР ДЬОНУН ТУҺУГАР» диэн кинигэ быыстапката турда.

Быыстапкаҕа Иннокентий Николаевич көҕүлээһининэн тахсыбыт кинигэлэр, бииргэ үлэлии сылдьыбыт дьоннорун туһунан ахтыылар, ону таһынан Саҥа олоххо, сурунаалларга суруллубут ыстатыйалар бааллар.

Быыстапканы ордук киэргэттэ саҥа буруолуу сылдьар 2024 сыллаах «Саха сирин үтүөкэн дьоно» диэн сериянан тахсыбыт биографическай кинигэ буолар.