Муус устар ый 8-9 күннэригэр Национальнай бибилэтиэкэ тэриллибитэ 100 сылын көрсө ыытыллар дьаһаллар чэрчилэринэн Амма улууһугар илин-эҥэр улуустарыгар аналлаах  «Формирование библиотечных фондов в Республике Саха (Якутия): опыт и инновации» диэн бибилэтиэкэ үлэһиттэрин форума буолан ааста. Форумҥа Амма,Мэҥэ-Хаҥалас,Уус-Алдан,Чурапчы улуустарыттан делегациялар кэлбиттэр. Национальнай бибилэтиэкэ исписэлиистэрэ сүрүннээн тыа сирин бибилэтиэкэлэригэр фонданы кытта үлэҕэ кинигэни  өрөмүөннээһин,  харайыы усулуобуйатыгар ирдэбиллэри сиһилии билиһиннэрдилэр, элбэх сүбэни-аманы биэрдилэр, видеоматырыйаалларынан көрдөрдүлэр, туһааннаах боппуруостарга хоруйдаатылар. Бу форум кыттыылаахтара уопут атастаһан, саҥа идеялары ырытыһан, фонданы кытта үлэ ньымаларын билсэн билиилэрин-көрүүлэрин кэҥэттилэр. Элбэх туһалаах, интэриэһинэй тэрээһин буолбутун форумҥа кыттыбыт Чурапчытааҕы кииннэммит ситим үлэһиттэрэ бэлиэтииллэр.  Амма улууһун киин уонна Абаҕа нэһилиэгин бибилэтиэкэлэригэр экскурсиялар ыытылыннылар. Коллегаларбытыгар махталбытын тириэрдэбит.