Олунньу 25 күнүгэр киин библиотекаҕа «Алаас уола Аратаа» диэн Аҕа дойду Улуу сэриитин кыттыылааҕа, РСФСР үөрэҕириитин туйгуна, Саха АССР култууратын үтүөлээх үлэһитэ, тылбаасчыт, хоһоонньут Гавриил Дмитриевич Ефимов–Аратаа төрөөбүтэ 100 сылын туоларынан улуустааҕы хоһоон аҕыытыгар доруобуйаларыгар хааччахтаах дьоҥҥо куонкурус буолан ааста. Күрэх сыала–соруга: Аҕа дойду Улуу сэриитин кыттыылааҕа Гавриил Дмитриевич Ефимов–Аратаа суруйан хаалларбыт айымньыларын киэҥ араҥаҕа билиһиннэрии уонна кини айар үлэтин сырдатыы.

Ол курдук, 15  кыттааччы Гавриил Дмитриевич Ефимов хоһоонноруттан ааҕан иһитиннэрдилэр. Бастакы миэстэни Смирников Виктор Викторович (Төлөй) уонна Седалищева Александра Николаевна (Одьулуун), иккис миэстэни Филиппов Александр Васильевич (Хатылы) уонна Дьячковская Парасковья Дмитриевна (Хоптоҕо), үһүс миэстэни Дьяконова Тамара Иннокентьевна (Чурапчы) уонна Суздалов Николай Иванович (Кытаанах) ыллылар.