Кулун тутар 4 күнүгэр Е.А. Борисов аатынан киин бибилэтиэкэҕэ Чурапчытааҕы кииннэммит библиотечнай ситим үлэһиттэрин айар талааннарын, дьикти дьарыктарын көрдөрөр «AI,TUT,ONOR» диэн быыстапка арыллыыта буолла. Кыһыл лиэнтэни быһан арыйдылар: Чурапчы улууһун култууратын салайааччыта П.Е.Гуляев, киин бибилэтиэкэ салайааччыта А.М. Смирникова, Чурапчы улууһун норуот маастардара биһиги коллегаларбыт М.П.Толстоухова, Н.Г.Устинова. Айар талааннаах бибилэтиэкэрдэр уран оҥоһуктара, оҕуруонан киэргэллэр, быысапка, баайыы араас көрүҥэ, тааска уруһуй, иис, дьиэ киэргэллэрэ, туос иһиттэр, туостан хартыыналар, эмтээх оттор, хатайдааһынынан оҥоһуктар, сылгы сиэлиттэн, тириититтэн сөрүөлэр, ураты, сиэдэрэй чаппараахтар турдулар. Ону тэҥэ талааннаах коллегаларбыт илиинэн оҥоһуктарга бэйэлэрин тэттик сүбэлэрин, туттар албастарын сэгэтэн интэриэһиргиир дьоҥҥо кэпсээтилэр. Е.А.Борисов аатынан киин бибилэтиэкэҕэ кулун тутар 11 күнүгэр диэри турар интэриэһинэй быыстапканы кэлэҥҥит көрүҥ, сэргээҥ диэн Чурапчыбыт олохтоохторун ыҥырабыт.