От ыйын 5 күнүгэр лааҕыр кыттааччылара хатайдааһыҥҥа мастер класс ыллылар.

Ол курдук, араас моһуоннаах олбох оҥордулар. Вискозанан киэргэттилэр. Сахалыы оһуор-бичик таһаардылар. Мастер класс ыытаччыта, Захарова Матрена Николаевна этэринэн: «бу олбох ыйааһына олус чэпчэки, ичигэс, туттарга табыгастаах буолар».

Кыттааччылар этэллэринэн, маннык дьарыктар киһини умсугутар, уоскутар-налытар, айар дьоҕуру сайыннарар.

Иккис дьарык от ыйын 10 күнүгэр буолуохтаах. Ким бэйэтигэр олбох оҥоруон баҕарар дьоннору үөрэ-көтө киин библиотекаҕа ыҥырабыт.