«Ааҕар саха сайдам ыала»

Россияҕа Аҕа дойдуну көмүскээччи, Саха Республикатыгар Төрөөбүт Дойдуну көмүскээччи сылларынан уонна «Ыал саргыта» улуус пилотнай бырайыагын чэрчитинэн ыытыллар улуустааҕы «ААҔАР САХА САЙДАМ ЫАЛА» дьиэ кэргэн күрэҕин балаһыанньата

1. Күрэх сыала, соруга:

Күрэх дьиэ кэргэнинэн ааҕыыны сайыннарыыга, өйөөһүҥҥэ, көҕүлээһиҥҥэ уонна бибилэтиэкэлэр бу хайысхаҕа үлэлэрин күүһүрдүүгэ, атын тэрилтэлэри киэҥник кытыннарыыга ананан ыытыллар. Күрэх ыалы ааҕыыга сыһыарыыга уонна нэһилиэнньэ ортотугар ааҕар култуураны иитиигэ туһуланар.

2. Тэрийээччи: Е.А.Борисов аатынан Чурапчытааҕы киин бибилэтиэкэ

3. Кыттааччылар

Чурапчы улууһугар олорор оҕолордоох ыаллар кытталлар. Эбээлэр, эһээлэр кыттыылара биһирэнэр.

4. Ирдэнэр усулуобуйата

Төрөппүттэр уонна оҕолор саха суруйааччыларын айымньыларын ааҕыылара уонна аахпыт айымньыларын ырытан, видеоролик оҥоруулара ирдэнэр. Видеоролик 5-6 мүнүүтэлээх, mp4 форматынан ыытыллар, библиотека телеграм каналыгар тахсар.

5. Күрэххэ киирбит үлэлэри сыаналааһын

• оригинальнаһа;

• толоруу хаачыстыбата;

• айар сыһыан;

• колорит, көстүү.

Дьиэ кэргэн бибилэтиэкэҕэ сылдьыыта, оҕолору ааҕыыга сыһыарыы тус уопута, кинигэҕэ, ааҕыыга интириэһэ учуоттанар.

6. Үлэни оҥорууга ирдэбил:

Видеоролигы кытта кыттааччы сайаапката толоруллар.

• бары кыттааччылар толору ааттара, саастара ыйыллар

• Аадырыстара, төлөпүөн, үөрэнэр (үлэлиир) сирэ

7. Күрэххэ үлэни ылыы уонна түмүк

Хас биирдии бибилэтиэкэ -филиал нэһилиэгин күрэҕин кыттыылаахтарын видеороликтарын сэтинньи 17 күнүгэр диэри Чурапчытааҕы киин библиотекаҕа тиксэрэр. Билсэр телефон нүөмэрдэрэ  89679135169, 89142960469,   churlib00@mail.ru  электроннай почтаҕа ыыталлар. «Ааҕар саха сайдам ыала» күрэх түмүгэ сэтинньи 20 күнүгэр тахсар.

8. Кыайыылаахтары наҕараадалааһын

 Күрэх түмүгүнэн кыайыылаах биэс бастыҥ ааҕар ыалга анал сыаналаах бириистэр, дипломнар   уонна бары кыттааччыларга туоһу суруктар туттарыллыахтара.