Быйыл Россияҕа «Дьиэ кэргэн”, Саха сиригэр “Оҕо саас” сыла биллэриллибитинэн улуустааҕы “Ыал саргыта” диэн программа чэрчитинэн Чурапчы улууһугар олунньуттан сэтинньи ыйыгар диэри Е.А.Борисов аатынан улуустааҕы киин бибилэтиэкэ “Ааҕар саха сайдам ыала” диэн куонкурус тэрийэн ыытта. Бу куонкурус сыала диэн оҕолору кинигэҕэ сыһыарыы, дьиэ кэргэнинэн кинигэни ааҕыыны көҕүлээһин, төрөппүтү, дьиэ кэргэни түмүү диэн буолар. Куонкуруска уопсайа 9 нэһилиэктэн 12 дьиэ кэргэн кыттыыны ылла. Нэһилиэк бибилэтиэкэлэрэ ааҕар дьиэ кэргэттэрин сүүмэрдээн видеороликтарынан куонкуруска кытыннылар. Уопсай түмүгү киин бибилэтиэкэ исписэлиистэриттэн дьүүллүүр сүбэ сыаналааһынынан түмүк таҕыста: 1 миэстэ – 135 баалы ылан  Мырыла нэһилиэгиттэн Тимофеевтар дьиэ кэргэттэрэ буолла. Манна кытыннылар ыал аҕа баһылыга Тимофей Тимофеевич, ийэлэрэ Розалия Александровна уонна оҕолоро Арсен, Игорь, Алиса. 2 миэстэни ыллылар 126 бааллаах Бахсыттан Демешиннар дьиэ кэргэттэрэ. Эбээлэрэ Любовь Александровна, аҕалара Николай Николаевич, ийэлэрэ Вероника Петровна уонна уоллара Данил. Одьулуун нэһилиэгиттэн Сибиряковтар дьиэ кэргэттэрэ 100 баалы ылан 3 миэстэ буоллулар. Кыттыыны ыллылар аҕалара Роман Гермогенович, ийэлэрэ Айталина Семеновна кыыстарынаан Лилианалыын. Ону таһынан  «Саха классик суруйааччыларын сүгүрүйээччилэрэ” уонна «Дьиэ кэргэҥҥэ көхтөөх ааҕыы” диэн анал ааттар хаһаайыттарынан буоллулар Чурапчы сэлиэнньэтиттэн Давыдовтар, Хоптоҕоттон элбэх оҕолоох ыал Гоголевтар дьиэ кэргэттэрэ.Кыайыылаах дьиэ кэргэн Мырыла нэһилиэгиттэн Тимофеевтар 

2 -миэстэ Бахсы нэҺилиэгиттэн Демешиннэр дьиэ кэргэттэрэ 

3-миэстэ Одьулуунтан Сибиряковтар дьиэ кэргэттэрэ

«Саха классик суруйааччыларын сүгүрүйээччилэрэ» анал аат хаһаайыттара Чурапчы нэһилиэгиттэн Давыдовтар

«Дьиэ кэргэҥҥэ көхтөөх ааҕыы» анал аат хаһаайыттара Хоптоҕо нэһилиэгиттэн Гоголевтар