10 төгүлүн тэриллэр бүтүн Россиятааҕы “Улахан этнографическай диктант”
Алтынньы 7 күнүгэр Е.А.Борисов аатынан киин бибилэтиэкэҕэ улахан дьоҥҥо ааҕар саалаҕа оҕолорго Борисов центр саалатыгар 10 төгүлүн тэриллэр бүтүн Россиятааҕы “Улахан этнографическай диктант” ыытылынна. Бу диктант дойду историятын, культуратын, норуоттар үгэстэрин үөрэтэр сыаллаах. Аан маннайгытын бу акция алтынньыы 4 күнүгэр 2016 сыллаахха ыытыллыбыт. Бу сыллар тухары уопсайа 17 мөлүйүөнтэн тахса киһи кыттыбыта биллэр. Ааспыт 2024 сылга биһиги республикабытыгар 38 тыһыынчаттан тахса киһи бу акцияны өйөөбүттэр. Бу хайысханы интэриэһиргиир дьон уонна С.А.Новгородов аатынан Чурапчы орто оскуолатын 10 кылааһын үөрэнэччилэрэ акцияҕа кыттыһан, 45 мүнүүтэ устата улахан дьон 30, оҕолор 20 боппуруостан турар тургутугу аастылар. Түмүгэр этнографическай диктаҥҥа кыттыбыттарын туоһулуур сертификаттары туттулар. Диктант кыттыылаахтарын эппиэттэрэ уопсай баала 60.48 буолла.
