Телефон: +7 (411-51)42-713
Республика Саха (Якутия), Чурапчинский район, с.Чурапча
ул. Ярославского 18 Режим работы пн-сб: с 9:00 до 18:00

Новости

 Хатылы нэһилиэгэр дьоро күн буолла. Нэһилиэк библиотеката капитальнай ремоннаммыт киэҥ  сырдык дьиэҕэ киириитин  малааһына буолла. 168 кв.м. иэннээх Хатылы  администрацията үлэлээбит дьиэтэ саҥалыы тыыннанан библиотекаҕа  бэрилиннэ. Дьиэ  капитальнай ремонун Хатылы нэһилиэгин  баһылыга У.Н.Атласова үбүлээн  оҥоттордо. Маны  таһынан СХПК  «Чурапча» 100 т. спонсордаата.  Бу дьаһал өссө биир умнуллубат  түгэнинэн нэһилиэк библиотекатыгар лейтенант, Кыһыл Знамя орден кавалера, Хатылы нэһилиэгин чулуу уола Е.Д.Догордуров аатын  иҥэрии буолла.  Библиотека дьоро күнүнэн эҕэрдэлээтилэр:  улуустан Н.Хоютанов,  В.Попов, культура управлениетын  начальнига   Д.Попов, кииннэммит  библиотечнай ситим директора В.Платонова, Хатылы нэһилиэгин баһылыга У.Атласова, нэһилиэк олохтоохторо, тэрилтэлэрэ. Бэйэтин истиҥ алгыһын тиэртэ 40 сыл Хатылы библиотекатыгар  сэбиэдиссэйдээбит  ССРС  культуратын  туйгуна,  нэһилиэк  Бочуоттаах олохтооҕо М.П.Иустинова

   

Бу дьыл сэтинньи 23 кунугэр А.А.Саввин аатынан историко-этнографическай музейга О5о библиотекатын уонна музей улэьиттэрин ко5улээьининэн А.И.Софронов – Алампа торообутэ 130 сылыгар аналлаах «Алампа5а айан» диэн литературнай оонньуу курэ5э ыытылынна. Манна барыта Чурапчы сэлиэньэтин ус оскуолалара кэлэн кыттыыны ыллылар: С.А.Новгородов аатынан Чурапчы орто оскуолата, И.М.Павлов аатынан Чурапчы орто оскуолата, С.К.Макаров аатынан улуустаа5ы гимназия уорэнээччилэрэ.

 Дьаьал икки чааска арахсан ыытыллынна. Бастакы чааска о5олор  5 тохтобуллаах литературнай экскурсия5а кытыннылар:1. «Айар улэ ыллыга» 2. «Алампа интернет ситимигэр». 3.«Алампа уонна музыка». 4.  «Алампа уонна киинэ». 5. Алампа уонна хаартыска». Экскурсия быьыытынан экскурсоводтар о5олору кэритэ сылдьан кэпсээтилэр, билиьиннэрдилэр. Экскурсоводтарынан кииннэмит бибилиотечнай ситим О5о библиотекатын суруннуур библиотекаря У.П.Чичигинарова уонна методист Е.П.Гуляева буоллулар. Хас биирдии тохтобул олус интэриэьинэйдик, уратытык, сэргэхтик ыытылынна.

 «Алампа уонна музыка» диэн тохтобулу А.П.Гоголев аатынан о5о музыкальнай оскуолатыттан С.П.Макарова уонна Яковлева Сахаяна С.К.Макаров аатынан улуустаа5ы гимназия 9 кылааьын  уорэнээччитэ «Урун туллук эрэ болбостуур», «О5о,о5о эрдэххэ» ырыаларын пианино5а оонньоон иьиннэрдилэр, о5о музыканы истэр дьо5урун сайыннаран тэттик дьарык оонньуулары ыыттылар.

  Саха республикатын утуолээх учуутала, А.А.Саввин аатынан музей научнай сотруднига М.Е.Филиппова «Алампа уонна Чурапчы» диэн сурдээх интэриэьинэй иьитиннэрии онорон о5олор билиилэрин ханатта, сонуну иьитиннэрдэ.

Иккис чааьыгар кэтэьиилээх, тынааьыннаах «Алампа5а айан» литературнай оонньуу ыытылынна. Дьууллуур субэнэн: Саха республикатын утуолээх учуутала, А.А.Саввин аатынан музей научнай сотруднига Филиппова М.Е, Кииннэммит библиотечнай ситим библиотекаря Захарова М.Н. уонна О5о библиотекатын методиьа Гуляева Е.П. буоллулар. Курэх барыта 5 туьумэхтэн турар. Бастакы туьумэх 3 категориялаах: «Алампа уонна театр», «Алампа о5олорго», «Алампа уонна поэзия». Командалар категориялары талан ыйытыктарга хоруйу биэрдилэр. Иккис туьумэх «Сыл-хонук» суруйааччы оло5уттан хронология. Уьус туьумэх блиц ыйытыктар. Бэриллибит бириэмэ иьигэр ыйытыктарга эппиэт. Тордус туьумэх «Алампа уонна хаартыска» бэрилибит соруда5ы бириэмэ иьигэр толоруу. Бэьис туьумэх «Алампа саргылаах санатынан…» диэн дьиэ5э соруда5ы коруу. Суруйааччы хоьооннорун уус-ураннык ойтон аа5ыы.

Оскуолалар сурдээх учугэйдик бэлэмнэнэн оонньуу оро тынааьыннаахтык ааста. Тумугэр кыайыыны 1 очкуонан хотон улуустаа5ы гимназия хамаандата ылла. Иккис миэстэ И.М.Павлов аатынан оскуола, уьус С.А.Новгородов аатынан оскуолалар буоллулар. Оонньуу тумугунэн «Бастын оонньооччу» анал бирииьи С.К.Макаров аатынан Чурапчытаа5ы гимназия 10 «а» кылааьын уерэнээччитэ Никита Григорьев ылла.  Тэрээьин тумугэр кыайыылаахтары на5араадалааьын уонна уопсай хаартыска5а туьуу тэрилиннэ.

     

 Сэтинньи 20 күнэ –Холбоһуктаах Нациялар Тэрилтэлэрэ (ООН) “Конвенция о правах ребенка” диэн докумуону 1989 сыллаахха ылыммыт күннэрэ. Быйыл, сэтинньи 21 күнүгэр Чурапчытаа5ы кииннэммит библиотечнай ситим правовой информация киинэ Ис дьыала отделын саастарын ситэ илик о5олор дьыалаларын подразделениетын инспектора, полиция лейтенана Матвеева Надежда Васильевна, “Чурапчы улууһа (оройуона)» муниципальнай тэриллии саастарын ситэ илик о5олор уонна кинилэр бырааптарын көмүскүүр хамыыһыйа эппиэттиир сэкирэтээрэ Верховцева Сардана Сергеевна, ЗАГС Чурапчытааҕы отделын салайааччыта Захарова Хаарчаана Герасимовна буолан икки оскуола тохсус кылаастарын кытта «Юридическая азбука для школьников» диэн правовой урок ыытта. Оҕолор киһи төрүөҕүттэн ханнык докумуоннардааҕыттан саҕалаан, быраап уонна эбээһинэс быстыспат ситимнээхтэрин, киһи дьылҕата бэйэтиттэн тутулуктааҕын туһунан бэрт интэриэһинэй беседалары иһиттилэр, специалистарга ыйытыылары биэрдилэр. Тэрээһин түмүгүгэр интеллектуальнай правовой оонньууга кыттан, кыайыылаахтар минньигэс призтарынан наҕараадаланнылар.

   Кыраайы үөрэтии кэлэр кэнчээри ыччаты  төрөөбүт дойдуга таптал, дьонунан-сэргэтинэн киэн туттуу тыыныгар иитиигэ кэмнэммэт улахан  суолталаах.  Улуус  кыраайы үөрэтээччилэрэ сэтинньи 15 күнүгэр киин  библиотекаҕа түмүстүлэр. Көрсүһүүгэ  республика, улуус биир  ытыктанар  киһитэ 96- хаарыгар үктэммит сэрии бэтэрээнэ, Саха АССР үтүөлээх учуутала, «Гражданскай килбиэн»  бэлиэ,  “Хотугу Сулус” уордьан  хаһаайыттара Иван   Михайлович  Павлов кыттыыны ылла. Кыраайы үөрэтээччилэр  ытык  киһибит  санаатын  иһиттилэр, сүбэтин ыллылар. Кииннэммит  библиотечнай ситим директора В.А.Платонова  инникитин  кыраайы  үөрэтээччилэр  нэһилиэк  летопистарын     оҥорууга  библиотеканы  кытта бииргэ үлэлэһэллэригэр этии  киллэрдэ  уонна  сүбэ-ама  оҥордо.

   Маны  тэҥэ  саҥа  тахсыбыт  кинигэлэри  билиһиннэрии буолла.  Саха биллиилээх фольклориһа,  этнограба, биир  дойдулаахпыт А.Саввин – Өндөрүүскэ  Саабын   төрөөбүтэ  120 сылын   көрсө   норуодунай  суруйааччы С.Попов-Сэмэн Тумат «Краевед-этнограф,  фольклорист А.А.Саввин (олоҕун кылгас уочарката)»    диэн кинигэтэ  таҕыста.

   Иккис кинигэ -  Чурапчы  улууһун  уонна  Болугур, Чурапчы нэһилиэктэрин бочуоттаах олохтоохторо, П.А.Ойуунускай аатынан бириэмийэ лауреата Иван  Михайлович үс эрдэ тахсыбыт кинигэлэрин хомуурунньуга «Албан ааттара өлбөөдүйбэт»  кинигэ. Бу кинигэҕэ уордьаннарынан уонна бойобуой наҕараадаларынан бэлиэтэммит биир дойдулаахтарбыт ааттара үйэтитилиннилэр.

 

«Үтүө санаа үксээтин, сирдээҕи ситим кэҥээтин” социальнай десант

«Үтүө санаа үксээтин, сирдээҕи ситим кэҥээтин” диэн ааттаах чөл олоҕу пропагандалыыр социальнай десант Чурапчы улууһун бары нэһилиэктэрин хабан алтынньы 11 күнүттэн сэтинньи 9 күнүгэр дылы  23 киһилээх делегация үлэлээтэ. Десант сыалынан арыгылааһыны аччатыы, чөл өй –санаа обществоларын тэрийии буолла. Туһааннаах тэрилтэ салайааччылара, специалистара, улуустааҕы общественнай Сэбиэт кыттыылаах делегация маныаха туһуламмыт үлэни нэһилиэнньэни, нэһилиэк актыыбын кытта көрсөн, төгүрүк остуол , консультациялары ыытан бэрт таһаарыылаахтык ыытта. Делегация салайааччытынан улуустааҕы дьиэ кэргэн отделын сүрүннүүр специалиһа Т.П.Бушкова үлэлээтэ. Чурапчытааҕы кииннэммит библиотечнай ситим правовой информация киинин главнай библиотекаря Н.Н.Аммосова «Арыгыны утары охсуһуу - Боотуруускай улуус историятыгар уонна билиҥҥи кэмҥэ” диэн иһитиннэрии оҥордо. Төгүрүк остуол түмүгүнэн хас биирдии нэһилиэк бэйэтигэр баар кыһалҕалары, ыарахаттары туоратарга бырайыак оҥоһунна.

 

 Торжественная часть

- Чествование местных авторов ( Федоров Павел Петрович – Сомоҕо, Герасимова Мария Андреевна – Сэҥээрэ, Дьячковская Евдокия Федоровна – Иэйэ, Бушуева Николанна Николаевна – Арчылаана, Попова Парасковья Ивановна – Тускулаана, Попов Егор Ильич – Туску, Попов Иван Ильич, Иванова Парасковья Степановн, Окорокова Октябрина Михайловна - Бойуона)

- Бенефис читателя. Номинации вручили писатель член союза писателей П.П. Федоров – Сомоҕо и местные авторы свои книги с автографами.

- “Любитель книижных новинок” – Попова Октябрина Николаевна.

- “Самый верный читатель” – Матвеева Мария Ивановна.

-“Читатель - помощник” – Пермякова Любовь Алексеевна

-“Самый перспективный читатель” – Данилова Аня.

- “Төрөөбүт төрүт тылынан” – Попова Матрена Ивановна.

- Награждение победителей улусной викторины, посвященный Году Кино в России, опубликованного в газете “Саҥа олох”

- I место – Илларионова Анна Петровна (с. Дирин), II место – Друзьянов Егор Егорович (с. Сылан), III место – Михайлова Агафья Яковлевна (с. Чакыр).

- «Кинообразы» -  конкурс среди посетителей. (Лиса Алиса, Остап Бендер, Гудвич, Варвара краса длинная коса, Сказочница.). Победительница – Лиса Алиса

- Мини инсценировка народного театра имени П.М. Решетникова

- Встреча с интересным человеком (встреча таксидермиста, Почетный донора России, отличника здравоохранения РС(Я), Попова Александра Александровича с местными авторами)

- Мастер-классы по сутажу, по компьютерным технологиям, шитью и крою, Makeup.

Посмотреть ФОТО

  1. Акунин, Борис. Часть Европы. История Российского государства. От истоков до монгольского      нашествия   /Борис Акунин. - Москва: АСТ,2014.- 396с.: ил. – (История Российского государства.)

  1. Далай-Лама, П. Экман Мудрость Востока и Запада.Психология  равновесия.  – СПб.: Питер, 2014. – 304с.: ил. – (Серия «Сам себе психолог»).
  2. Веракса, Н.Е. Детская психология: учебник  академического  бакалавриата  / Н.Е. Веракса, А.Н. Веракса. – М.: Издатаельство  Юрайт, 2014. – 446с. – Серия: Бакалавр. Академический курс.
  3. Казанская В.Г.Психологические особенности кризисов подростка : учебное пособие /Казанская В.Г. – М. :ФОРУМ; ИНФА – М, 2014. – 200с.
  4. Зернес, Светлана Самый лучший праздник – 2 : авторские сценарии праздников / Светлана Зернес. – Изд. 2-е, стер. – Ростов н /Д : Феникс, 2014. – 299с. – (Зажигаем!).
  5. Харизма лидера / Радислав Гандапас. – 2-е изд. – М. : Манн, Иванов и Фербер, 2014. – 224с.
  6. Баай  Байанай  бэлэҕэ : булчут улахан кинигэтэ / [хомуйан оҥордулар: Т.Н.Галактионова, А.А.Егоров, В.в.Егоров; эппиэтттээх ред. Е.Е. Антонов ; ред., тылбаасчыт Е.Н. Баишева]. –Дьокуускай : Кытыл : Салама, 2014. – 480с.
  7. Попов, Иннокентий Петрович. Аламай күннээх Алаҕар алаастара : хаартысканан  бырайыак / И.П. Попов. – Дьокуускай: Сайдам, 2015 с. – 232с.
  8. Н.М. Заболоцкий- Чысхаан. Уочаркалар. Ыстатыйалар. Бэлиэтээһиннэр (Саха литературатын историятыттан) / Хомуйан оҥордулар Н.Н. Рыкунов, О.В. Егоров. Толоруллубут үлэ эрэдээктэрэ С.А. Попов – Сэмэн  Тумат. Киирии тылы, быһаарыылары суруйда В.Н Протодьяконов /. –Дьокуускай : Бичик, 2009. – 392с.
  9. Петров, Панкратий  Дмитриевич. Достояние  истории / П.Д. Петров. – Якутск: РИО медиа-холдинга, 2015. – 248с.
  10. Басхардырова, Татьяна  Дмитриевна. Петр Карсанаев : [ альбом – кат.]  / Т.Д. Басхардырова ; Нац. художеств. музей Респ. Саха (Якутия) ; [ науч. ред. Г.Г. Неустроева, В.В. Тимофеева; сост. библиогр. указ.: А.Е. Константинова ; фот. В.Н. Семенов]. – Якутск: ООО «СахаАртПресс», 2013. – 212с. : ил.
  11. Сиргэ түспүт түөрэҕинэн / (автор – хомуйан оҥордо Т.А. Маркова). Дьокуускай, 2015. – 136 с. («Иьирэх  иэйиилэр” серия).

 

А.Саввин  аатынан Чурапчытааҕы  музейга Россияҕа литература  сылын түмүктээһин уонна  улууска Музей  сыла  саҕаланыытын бэлиэтиир  дьаһалга  Оҕо  библиотекатын  үлэһиттэрэ, «Улыбка» уһуйаан  үлэһиттэрэ, иитиллээччилэрэ,  төрөппүттэрэ кыттыыны ыллылар. Ыалдьыттар  музей  саалаларынан  экскурсияҕа  сырыттылар. Музей  аактабай саалатыгар «Улыбка»  уһуйаан  бэлэмнэнии бөлөҕүн  оҕолоро суруйааччы, поэтесса  Агния  Барто төрөөбүтэ  110  сылыгар анаан кини  хоһооннорун  сахалыы, нууччалыы, английскайдыы  аахтылар. Барто  хоһооннорунан  викторина  тэрилиннэ. Оҕо  библиотекатын  үлэһиттэрэ  А.Барто кинигэлэрин уонна  кини режиссер  быһыытынан үлэтин-хамнаһын  сырдатар быыстапка  тэрийдилэр,  видеоролик  көрдөрдүлэр.

 

Төрөөбүт  тыл уонна  сурук-бичик  күнэ Алаҕар  нэһилиэгэр  сүрдээх  инэриэһинэйдик,  сонуннук  ыытылынна. Амма  Аччыгыйа  «Мотуо»  кэпсээниттэн  116  тыллаах  кэрчиги  ылан  11 киһи  диктант  суруйдулар. Оскуола саастаах  оҕолор, ыччаттар, тэрилтэ  салайааччылара, пенсионердар  кытыннылар. Диктант  түмүгүнэн Чыаппара  олохтоохторо сахалыы  таба суруйуулара  үчүгэйин,  ол оннугар  сурук бэлиэтин  туруорууга  алҕастар  баалларын  тэрийээччилэр  бэлиэтээтилэр.  Маны  таһынан  ыччаттарга  уонна  оскуола оҕолоругар   «Санаабын  сахалыы  этэбин» диэн  тыл  этээччилэр  күрэхтэрэ  ыытылынна.  «Мин  саҥа  дэриэбинэм» диэн  түһүмэххэ  нэһилиэк  сайдыытыгар  бэйэлэрин  санааларын  эттилэр. Иккис  түһүмэххэ  патриотическай тыыны  уһугуннарар Гимни  ааҕыы  буолла. Кыттааччылар  Россия Гимнин, Саха  Республикатын  «Өрөгөй  ырыатын» уонна   Чурапчы  Гимнин дорҕоонноохтук  аахтылар.  Кыайыылааҕынан Г.Протодьяконов аатынан Алаҕар  орто  оскуолатын  10-с  кылааһын үөрэнээччитэ  Юлия  Дьячковская  буолла.

 

Чурапчытааҕы  спортивнай интэринээт-оскуола  аактабай саалатыгар «Сиргэ  түспүт  түөрэҕинэн»  диэн  кинигэ  сүрэхтэниитэ  буолла. Кинигэ Ленинград  блокадатын кыттыылааҕар, педагогическай үлэ  бэтэрээнигэр  Анастасия  Тихоновна  Старостинаҕа ананар. Кинигэ  ааптара – биһиги биир  киэн  туттар  суруналыыспыт, «Саха  Сирэ»  хаһыат үөрэххэ, култуураҕа, духуобунаска  салаатын  редактора Т.А.Маркова. Бу дьоро киэһэни  Түөйэ  олохтоохторо, улуустааҕы киин  библиотека, спортивнай интэринээт-оскуола  салалтата уонна  Анастасия  Тихоновна  кыыһа Саргылана  Николаевна  тэрийэн ыыттылар. Кииннэммит  библиотечнай  ситим  директора, СР  култууратын  үтүөлээх үлэһитэ  В.А.Платонова кинигэ  сүрэхтэниитин  салайан ыытта уонна кинигэни сиһилии  сырдатан  мустубут дьоҥҥо  билиһиннэрдэ. Үөрэппит оҕолоро Лидия  Егоровна  Аргунова, Александра  Петровна  Аржакова,  Евдокия  Никитична  Макарова уо.д.а.  учууталларын  туһунан истиҥ  ахтыыны  оҥордулар. Бу  дьоро  күн СР  үтүөлээх  артыыһа, пародист  Александр  Бурнашев  күндү  ыалдьытынан  буолла. Анастасия  Тихоновна  биир  дойдулаахтара  Федор Трофимов, Петр  Беляев ылбаҕай ырыаларын  бэлэхтээтилэр.