Николай Федорович Борисов — Николай Уус 1932 с. Мэҥэ Хаҥалас улууһун Дьабыыл нэһилиэгэр төрөөбүтэ. Тыа хаһаайыстыбатын техникумун, Томскайдааҕы госуниверситеты бүтэрбитэ. Зоотехник, следователь, прокурор, судьуйа, суруйааччы. 1981 с. «Өймөкөөн тыатыгар» кэпсээнэ «Хотугу сулуска» бэчээттэнэн уус-уран айымньы эйгэтигэр киирбитэ. Олох араас хайысхатын сырдатар сүүрбэччэ кинигэ ааптара.    СР, Мэҥэ Хаҥалас улууһун бочуоттаах олохтооҕо, РФ, СР үтүөлээх юриһа, ССРС прокуратуратын бочуоттаах үлэһитэ, милиция туйгуна, бочуоттаах меценат. СР кырдьаҕастарын Ытык Сүбэтин бүрүсүдьүүмүн чилиэнэ, СР помилование боппуруостарын хамыыһыйатын бэрэссэдээтэлэ, Ис Дьыала министрин сүбэтин чилиэнэ.

Киин библиотекаҕа Ньукулай Ууска анаммыт быыстапка турда. Кэлэҥҥит кинигэтэ көрүн, уларсан ааҕын.